LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

Die Sanlam/LitNet aanlyn-skryfskole

Wat is SkryfNet?
SkryfNet I SkryfNet II SkryfNet III SkryfNet IV SkryfNet V SkryfNet VI SkryfNet VII SkryfNet VIII SkryfNet IX SkryfNet X

SkryfNet IX

SkryfNet IX se inwonende skrywers

Eben Venter is in 1954 op 'n Oos-Kaapse skaapplaas gebore. Hierdie omgewing en sy lang lewe as sjef in Australië gee vele van sy prosatekste in. Drie van sy romans word bekroon en twee word in Duits en Nederlands vertaal. Verlede jaar bied hy skeppende skryfkursusse in Oos-Europa aan. Die beplande publikasiedatum vir sy nuwe roman, werkstitel Horrelpoot, is September 2006. Sy eerste Engels-vertaalde roman, My Beautiful Death, sal ook dan verskyn.

Abraham Hermanus de Vries is gebore op die plaas Volmoed in die distrik Ladismith; hy is ook die eerste ereburger van dié dorp. Hy behaal in 1962 Kandidaats en Doktoraal Litt et Phil aan die Gemeentelijke Universiteit, Amsterdam, Nederland, en in 1986 die DLitt van die Universiteit van Stellenbosch.
Braam was van 1963 tot 1965 kunsredakteur van Die Vaderland in Johannesburg en is sedertdien 'n gerekende akademikus. Hy is die skrywer van 18 bundels kortverhale, 'n roman, 'n digbundel, drie reisverhale, drie speurverhale, en televisiereekse sonder tal.
Pryse ontvang: die Nederlandse Reina Prinsen-Geerlig-prys, Eugène Marais-prys, Perskor-prys, eerste prys in die De Kat-Potpourri-wedstryd, Artes vir die televisiereeks Die Klein Karoo, en vanjaar die RAU-prys vir skeppende werk. Hennie Aucamp se Kort voor lank, WA de Klerk se As die reier noord vlieg en Alan Paton se Ah, but your land is beautiful is aan hom opgedra.

SkryfNet IX se skrywers

Johann Crafford is op Stellenbosch gebore en getoë. In 1968 gematrikuleer aan die PRG en toe BA geswot aan die US. Vyftien jaar in die elektroniese en gedrukte media in Kaapstad gewerk, en toe 'n skakelonderneming in Johannesburg begin. Daar verder bemarking (diploma) aan UNISA gestudeer. In 1994 teruggekeer Kaapstad toe, woon op Melkbosstrand en doen steeds vryskut-skakelwerk. Hy is ook spesialis-wyntoeroperateur/gids, maar sy eerste liefde bly steeds skryf.

Theo Kemp
Gebore in Humansdorp op 21 Januarie 1976. Die jaar van televisie. Studeer BA in Taal en Kultuur aan die Universiteit van Stellenbosch
en doen aan dieselfde universiteit sy MA in Afrikaans & Nederlands oor voyeurisme in die poësie. Na 'n kort en kragtige onderwysloopbaan begin hy werk by die Stellenbosse Woordfees, waar hy tans die projekbestuurder is. Hy publiseer verskeie gedigte en kortverhale in versamelings, en is die medeskrywer van die novelle Jan in die Boontjierank en die 33 drome. Verder doen hy vryskutjoernalistiekwerk vir onder andere De Kat en Die Burger; en as ewige student is hy tans besig met 'n Kreatiewe Skryfkursus onder leiding van Marlene van Niekerk.

Janet Maree
Terwyl sy studeer vir Laerskool Onderwys Diploma neem sy aandklasse by die Universiteit van die Vrystaat. Doen Geskiedenis Honneurs tydens eerste swangerskap. Kry Diploma in Kleuteronderwys tydens tweede swangerskap. Plant tamaties in tonnel tydens derde swangerskap. Begin Bambi Kleuterskool onder Onderwysdepartement. Skryf vir eie plesier nadat sy sowat vyf jaar gelede rekenaarvaardig moes raak. Skilder en lees graag. Bly tans in Hermanus.

Carina Stander (gebore 1976) was 'n vrugteplaaskind in die Waterberg. Twee jaar werk sy vir beeldhouers in Cambridge en die Skotse Hoogland. Sy het 'n honneursgraad in Beeldende Kuns en 'n meestersgraad (met lof) in Kreatiewe Skryfwerk. Sy publiseer in verskeie versamelbundels, is vryskutjoernalis vir tydskrifte en skilder op bestelling. Haar digdebuut, die vloedbos sal weer vlieg, verskyn einde 2006 by Tafelberg. Saam met haar man reis sy soos die wind.

Santa Topham is op Memel of Vrede gebore, toe as kind na Tweeling, waar sy vir baie lank en gelukkig op 'n plaas, Slangfontein, gespeel en grootgeword het. Sy het voortgegaan met haar grootwordery op Heilbron, skaars uit haar matriekafskeidrok in 'n trourok gespring, drie kinders in die lewe gebring, geskei geraak kort voor die beslommernis van 'n silwerbruilof, 'n opvreetbare kleinkind present gekry ... en doen tans haar "advanced grootwordproses" as enkellopende, skilderende, musiekluisterende Hoopvolle.

boontoe / terug

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

Wat is SkryfNet? SkryfNet I SkryfNet II SkryfNet III SkryfNet IV SkryfNet V SkryfNet VI SkryfNet VII SkryfNet VIII SkryfNet IX SkryfNet X

SkryfNet IX

SkryfNet IX se inwonende skrywers

SkryfNet IX se skrywers

Wat is SkryfNet?
SkryfNet I SkryfNet II SkryfNet III SkryfNet IV SkryfNet V SkryfNet VI SkryfNet VII SkryfNet VIII SkryfNet IX SkryfNet X