SeminaarKamer - dinkruimteArgief
Tuis /
Home
Briewe /
Letters
Kennisgewings /
Notices
Skakels /
Links
Boeke /
Books
Opiniestukke /
Essays
Onderhoude /
Interviews
Rubrieke /
Columns
Fiksie /
Fiction
Po?sie /
Poetry
Taaldebat /
Language debate
Kos en Wyn /
Food and Wine
Film /
Film
Teater /
Theatre
Musiek /
Music
Resensies /
Reviews
Nuus /
News
Slypskole /
Workshops
Spesiale projekte /
Special projects
Opvoedkunde /
Education
Artikels /
Features
Visueel /
Visual
Expatliteratuur /
Expat literature
Reis /
Travel
Geestelike literatuur /
Religious literature
IsiXhosa
IsiZulu
Nederlands /
Dutch
Gayliteratuur /
Gay literature
Hygliteratuur /
Erotic literature
Sport
In Memoriam
Wie is ons? /
More on LitNet
LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.
This table is 9.2 mm thick, is replica watches online a relatively slim watches, with automatic movement, more importantly, it is fake rolex watches equipped with 1150 core, with 100 hours of fake rolex power storage, is a long dynamic table does not swiss replica watches see more regular table in paragraph.

Vir oulaas iets oor laasjaar se boeke

Ettie Williams

R33,71 by Kalahari.net

Die jaar 2000 het meer titels gelewer as wat mens in ’n skamele 12 maande kon laat resenseer. Voordat die ware nuwe millennium se stroom nuwe publikasies dus begin verskyn, wil ek vir oulaas ’n klompie boeke van verlede jaar onder die lesers se aandag bring.

Vir J K Rowling-aanhangers is dit al vergete se ou nuus dat Harry Potter en die gevangene van Azkaban ook in 2000 verskyn het en teen ’n billike R69,95 te koop is. Maar indien daar nog oningewydes in ons midde is, maak ek hulle graag nuuskierig met dié brokkie inligting: Harry en sy beste vriende Ron en Hermien keer na die lang somervakansie terug vir hul derde jaar aan die Hogwarts Skool vir Towerkuns en Heksery. Maar die atmosfeer by die skool is hoogs gespanne. Daar is ’n ontsnapte massamoordenaar op vrye voet en die sinistere wagte van die Azkaban word ingeroep om Hogwarts te beskerm  ... Human & Rousseau, die uitgewers van die Afrikaanse vertalings, beloof dat die vierde titel, Harry Potter en die Beker vol Vuur, teen einde Maart vanjaar sal verskyn.

Die Afrikaanse goue- en silwerpryswenners van die tweejaarlikse Sanlam-kompetisie vir Jeugliteratuur is onderskeidelik Geraamtes dra nie klere nie deur Jan Vermeulen (Goud) en Die somervakansie wat te lank was deur Rena Schüler (Silwer). Volgens die beoordelaars van die kompetisie lewer Jan Vermeulen ’n kragtoer met hierdie skokkend eerlike jeugroman oor ’n Oos-Kaapse gesin wat steeds in die jaar 2000 swaar dra aan die bagasie van apartheid en die ongeregtigheid van die ou Suid-Afrika. Ook Rena Schüler se agste jeugroman word as ’n waardige silwerpryswenner beskou met dié dat sy — hoewel die roman oor ’n tiener met ’n persoonlike probleem handel — daarin slaag om die balans tussen die probleem en die dartelende, uitnodigende lewe fyn te bewaar. Albei hierdie titels wat spog met buitengewoon aantreklike omslae ontwerp deur Tertia du Toit, is beskikbaar teen ’n uiters billike R44,95.

Nou R48,71 by Kalahari.netOok by Tafelberg het Leon van Nierop se lekkerleesverhaal vir oud en jonk, Skrikkelkind: Girly se storie verskyn. Girly is — soos getroue RSG-luisteraars sal weet — die ster van Van Nierop se radiovervolgverhaal Stralerjakkers wat daagliks om 2:30 nm uitgesaai word. Skrikkelkind is egter nie ’n oorvertel van die radioverhaal nie, maar die voorgeskiedenis van Magrieta Lubbe, née Benadé: Girly se eie storie, vertel sonder ghrênd woorde en fieterjasies. Skrikkelkind kos R64,95.

Nou R44,96 by Kalahari.netKoos Meyer: lag-lag ’n legende deur Deon van Zyl, met voorwoord deur Ollie Viljoen, het ook by Tafelberg-Uitgewers verskyn en verkoop teen R59,95. Koos Meyer, poetsbakker, grapmaker, lewenskunstenaar en legende in sy eie leeftyd se “biografie” bevat bekende en minder bekende Koos-stories — nostalgiese plesier vir sy tydgenote en ’n lekker bekendstelling tot dié avonturier, sakeman met ’n tekkiefabriek, uraanprospekteerder, krokodiljagter, matroos op ’n ertsskip en mampoerstoker se humorryke lewe.

Nou R44,96 by Kalahari.netIn soortgelyke haas geloofbare trant is Koos Human se versameling ongelooflike en fassinerende feite, Raar maar waar, wat by Human & Rousseau verskyn het. Indien feite soos dat die reënval in Londen minder is as dié in Rome, of dat ’n man gemiddeld 150 hale met ’n skeermes gee om sy ken skoon te skeer, jou interesseer, is dié bundel net reg vir ’n laataandlesie. Dis beskikbaar teen R59,95.

boontoe


© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.