die passie van eliza meiring

Willie Kühn

in haar solderkamer
met 'n sel se uitsig
op die vrugbare vallei
lig sy 'n glasie wyn
vir nagmaal van die hex

die bewing van haar hand
laat kolk die drank,
wat in die son se soeklig
transformeer tot bloed
glansrooi soos disa

dus bid eliza

sy sluk en in die keel
'n transubstansiasie:
die wyn word splinters been
van die geliefde wat
sy dwaas geoffer het:
dit penetreer en skeur
soos dorings van mimosa

dus skreeu eliza

waansinnig spring
sy deur die hoë luik
en sprei haar oop,
wetend die lyf moet breek
moet spat, moet bloed
teruggee aan die grond
sodat dit vlekke disa blom

dan eers verrys
matroosberg nuut
reg vir die uitvaart van

eliza
dolorosa
aeterna



LitNet: 29 Junie 2004

boontoe / to the top
terug na indeks / back to index

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.