wordinge van wyn

Vincent Oliphant

ek proe die rykheid van die boesem
van die aarde in jou droesem
jy laat ’n vonk van son
vonkel in my oë

jy is ’n tong
wat in my mond ontplooi
mooi woorde laat ontdooi
in vele variasies

jy eggo inkantasies
vanuit tempels deur die eeue

in die donker
waar dowwe kerslig flonker
is jy die gloed
in minnaarsbloed

vir die swerwende wat wroeg
oor paaie wat te wyd is
vir die werker wat moeg
’n verslete dag kom sluit
is jy ’n oase in die tyd
waarin verbete stryd
vergete is

by die heildronk
is jy die water
waaruit vreugde skater

maar op my as ek verspot
uit die wingerd slinger
wag dalk ’n bitter lot

’n dodeslag
of dalk eendag
is jy die gif
waarin my lyf en gees verrot

maar tot en met
is jy die nederige druif
wat mý laat kies
hoe salig of hoe sot
jy in die lyf sal dryf




LitNet: 21 Junie 2004

boontoe / to the top
terug na indeks / back to index

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.