Die boom van wysheid was g’n boom nie

Renate van Dyk

Die boom van wysheid was g’n boom nie
dit was ’n wingerd
daar in die hand van ’n nuuskierige vrou
het die sappige, glansende korrels oopgebars
en die ganse samelewing oorstroom
met ’n vloed van pynlike en bevrydende kennis

Filosowe raak daar dronk van
hulle stook en brou die kennis
tot ’n haalbare teorie
haalbaar — maar nie altyd aangenaam op die palet nie

Politici het die kuns vervolmaak:
die korrels word op vernuftige wyse onherkenbaar vertrap
op die outentieke manier (vir in geval jy gewonder het),
maar herdoop na vriendeliker, drinkbare etikette

Die ontwaking het begin by ’n eenvoudige vrou
en, nadat dit vir eeue verouder het
en tot sy volle glorie vervolmaak is,
sal dit die kwylende elite ontglip
en tot rus kom in die siel van ’n kind



LitNet: 21 Junie 2004

boontoe / to the top
terug na indeks / back to index

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.