Die dag breek met die geur van mos en wyn

Johann de Lange

Die dag breek met die geur van mos en wyn,
van geurende kruiebossies teen die berghang.
Die lig wat deur oop vensters skyn
val ook op die voetpad langs die leivoor
waar die oesjaar steels sy rypgang
gaan. Verlede jaar se wyn in vate gestoor,
of in bottelgroen korwe gerantsoeneer.

Die een wat op wingerdranke neerkyk,
ervaar ’n prille wysheid in die bloed.
Blare vergeel, die landskap nogmaals geyk
onder ’n son wat wentel in sy koue baan.
In die amber glas is daar ’n gloed
waarvan hy die oorsprong skaars verstaan,
behalwe dat dit sy somers feilloos distilleer.



LitNet: 21 Junie 2004

boontoe / to the top
terug na indeks / back to index

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.