by geleentheid van ’n rooi roos

Heidi Slot

al hoe minder herinner ek my, lief —

jou vel is so ver as my vingerpunte
(die satyn daarvan kleef aan my lippe)
jou reuk luier agter my neus
geurig opgebondel met jou smaak

en al jou geheime soenplekke
blom bietjie vir bietjie uit
advertensieborde langs ’n polsende pad
asemlose aanduidings
fluister vleeslike verwagting

skuins teen jou nek af
jou ore se suiglelle rosig soos turkse lekkers
diep aroma van muskusolie
en bronstige snaarmusiek
ritmies van onrustige somerheupe
in kerslig

borrel vreugde diepdiep uit my hart
onveranderlik soos ’n verslete foto

(herinner ek my
die wit lig van jou mond)

wat rose omstingel

my neus du duike in jou nek
kuile in jou skouers
valleie tussen geurige hare

en maak kurwes waar my lippe pas



LitNet: 24 Mei 2004

to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.