Konsentrasiekamp

Corné Swart

met jou aankoms hier
in stof en sweet: tentpenne
opnúút ingesteek

seile word gespan,
tenttou snaarstyf, verwagting
van lyf-tydverdryf…

die spruit se koelte
was tamheid weg, jou geil lyf
drup vir aksie reg

vars liggaam, reg soos
koffie wat prut, in jóú is
veel genot te put

die vuur aangesteek
laat gloedrooi lug, verdryf die
kilblou skemerlig

die hoofmaal vanaand
is boerewors, met kaapse
nektar vir die dors

glimmende rooiwyn
op lippe, mond - sakrament
van ons sielsverbond

seile toegespan,
vuur word gestook, vuur brand hoog,
passie uitgespook

eenheid en warmte
gekonsentreerd, in lyf en
siel geallieerd

die nanagwindjie
koel lywe af, jakkals se
hartseer tjank, veraf

…

'n gode-offer,
verkool deur vuur, wie kan dan
eet in só 'n uur?



LitNet: 12 September 2005

Klik en lees ander gedigte deur Corné Swart

Wil jy reageer op hierdie gedig? Stuur kommentaar na webvoet@litnet.co.za om die gesprek verder te voer op SêNet, ons interaktiewe meningsruimte.
Of stuur jou eie smaakvolle, smaaklike erotiese prosa en poësie na Ingrid Lehmensich by hygstories.

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.