LitNet beplak bekendes by opening van Protea Boekwinkel op Stellenbosch

Erns Grundling

Foto’s deur Thys de Kock en Erns Grundling

Wat het “Luncuthu”, “A wu Sasekile” en “E Monate” met ’n handvol Afrikaanse skrywers gemeen? Dit is natuurlik die LitNet-plakkers wat in al elf landstale pronk met die woorde “Lekker” en “Vrot”.

LitNet was ’n ruk gelede by die opening van die Protea Boekwinkel in die Bergzicht Plaza in Andringastraat op Stellenbosch, en die Afrikaanse skrywers en bekendes wat dié geleentheid kom saamvier het, het behoorlik deurgeloop onder die plakkers.

Nicol Stassen het besluit om sy suksesvolle boekebelange uit te brei na die Wes-Kaap, en Stellenbosch was die aangewese plek om te begin. Die Protea Boekwinkel op Stellenbosch het ’n wye verskeidenheid akademiese en letterkundige boeke.

Drie digters is aan die stuur van die Protea Boekwinkel: Louis Esterhuizen en sy vrou, Marlise Joubert, is albei gevestigde skrywers, en Francois Weideman, die brein agter Fenomeen Publikasies, sorg saam dat die boeke (en gedigte) klop.

Protea Boekwinkel het ook onlangs begin met skrywersoggende op Saterdae. JC Kannemeyer, Johan Bakkes, Pieter Snyders en George Weideman is van die bekende skrywers wat reeds oor hul boeke en skryfwerk kom gesels het. Daniël Hugo se nuwe digbundel word ook hier bekendgestel.

Die skrywersoggende gaan ook gepaard met wynpromosies, wat nogal vir ’n joligheid sorg om 11:00 op ’n Saterdagmôre! Kontak die Protea Boekwinkel op Stellenbosch by tel (021) 882 9100/3, faks (021) 882 9110, of e-pos proteaboek@mweb.co.za.

LitNet het drie vrae aan ’n paar bekendes met hul plakkers gevra tydens die gesellige opening:

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.