Narsissus en Echo

Hennie Aucamp

Hul word verkeerdelik afgepaar
deur Klassici en digters:
elk was gevang in eie swaar,
van meet af aan ’n onpaar paar.

Sý, wat aan gek herhaalsiek ly
gaan nooit haar goue jonkman kry;
hý, onwetend op homself verlief
moet onvervuld ’n eenling bly.

Vergeefs gryp hy na eie beeld —
die watervlak verskerf en dein —
tot hy, verteer deur binnevuur,
witheet vergaan in eie pyn.

Maar waar hy was, skiet narsings op:
Die wind vat speels aan elke kop.



16 Desember 2003

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.