Jou Jerusalem

Nandi Venter

Haastig om by jou kern uit te kom
Skeur ek die voorhangsels soos vodde af
Verban jou uit jou veilige gemakholte
Laaf jou met die nardusolie van woorde

Jou oë slaap nie stil agter hul skanse nie
Ek verlang na jou heilige stad se donker poorte
Terwyl jy sug in diep slaap verlei ek jou wagte
En laat hul smagtend agterbly noudat ek toegang het

Met hanekraai is ek weer uit jou vestingstad
En kruip stil uit soos ‘n dief wat so min as ‘n skadu gooi
Geen herinneringe, geen aanduiding van my bestaan
Al wat agterbly is jou poortwagte wat die roes afslaap

LitNet: 21 Februarie 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.