tot eer van god

Jean Meiring

tot eer van alomteenwoordige god:
moet party seuns woordeloos iets tussen
wiskunde, swaarde, vooreergister se vrot
appel (o die soet stank!) en die bybel in
’n skooltas versteek; iets tussen kniesokkies
en rugbytoks (grond dig om die tepeltjies
gekoek) en handdoek diep in ’n sportsak vuis;
iets hard in die buik of long of hart vergruis

tot eer van ewige en almagtige god:
moet pa’s en ooms en oupas en dominees
agter broekielace-gordyntjies hul lot
besnik soos hulle oor bonkige buurmans (vies
voor grassnyers gebuk) se natgeswete
boude stokstyf draadtrek, snakkend hyg
(as die ruwe brander Drif breek oor Gewete),
en soos hulle stadig deur babapienk tissues syg

tot eer van onse grote heer en vader, god:
moet ’n tenger seun sy ouerhuis in die groen
platteland die rug toekeer, en die gebod
van noodsaak en van sy bloed tussen ’n miljoen
ander (dwalend) in hierdie Moerstad eerbiedig,
vergeefs ’n plaasvervanger-pa in die dowwe lig
van ’n steeg soek, hom vir ewig aan hierdie labirint
van donker nag, hierdie stad van rooi dou, verbind

tot eer van god:

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.