Take a chance on me

Joan Hambidge

Kyk, my hart is al vele kere gebreek
en van ware liefde weet ek als.
Hoe durend beloftes en veral begeerte
is, my lam. Daar is inderdaad niks
soos ware liefde, so durend en so mooi.
Daar is inderdaad net begeerte, begeerte
en wedersydse begeerte …
So nadat jy jou begeerte verloor het
(een verloor dit altyd eerste), is dit weer
dieselfde proses van voor. So moenie
huil nie, moenie treur nie. Die gay girls
kom weer. Kom, drink jou drink
en weet: binnekort is jou lover
weer op straat en jy in iemand anders
se bed of hart. Met iets op die hart,
iets om te vertel. Die aantreklikheid
van ’n wond, ’n litteken. En ja sy verstaan
tog beter. Hoe kon jy dink sy sou begryp?
Daar is niks soos ware liefde, o daar is niks.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.