Vra is vry

Joan Hambidge

Jy lę op die rusbank
en jy maak of jy
nie na my kyk nie.
Ons kyk na ’n movie.
En sonder waarskuwing
druk jy die “pause”-knoppie
en sit my vroetelende hand
op jou Levi-knope. Jy
druk die knoppie op “play”
toe ek my onbeskofte hand
onder jou bloes sit en met jou tepels speel.
Wag, wag, sug jy, ons mis die plot!
Jy “rewind” die movie en ons kyk weer
na dieselfde toneel van ons jagsheid
vir mekaar. Ek hou my hande vereers tuis.
Skink nog ’n glas rooiwyn, popelend van opwinding.
O belofte maak skuld, my skat, dink ek.
Jy trek weer aan my hand.
Stadig maar seker begin die film
van ons jagsheid sin maak. Sal ons
dit “fast forward” en dadelik bed toe gaan?
O nee.
Uitstel. Montage. Terugblik.
Dan, ten slotte, word ons geblik.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.