Stempels op my paspoort

Joan Hambidge

’n Ou paspoort bring soveel
soete herinneringe terug:
in Praag die pragtige Anita
wat net met haar lyf kon praat;
in Moskou ’n Russiese ballerina
wat gewetenloos die liefdespassies dans;
’n woordelose soen op ’n trein tussen Berlyn
en Vladivastok wat ’n ewigheid duur en duur;
’n lydsame minnares in Parys maak alles lyfsaam;
in Kaïro ’n nagklubdanseressie, wriemelende slang
nes die Marokkaan wat van een nag ’n Duisend-en-Een maak.
O wat het geword van al die stempels in my paspoort?
L’envoi:
’n Duisend-en-Een Nagte
is nie genoeg
om al die herinneringe,
ervaringe
of begeertes te boekstaaf.
Goddank dat alles vir ewig
op hierdie paspoort gestempel bly!

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.