Hasta manana baby

Joan Hambidge

Ons sien mekaar
bykans per afspraak
klokslag
in die stomende aantrekkamer
van die gym.
Wanneer ek aankom,
vertrek jy. Of andersom.
Maar ek sien altyd hoe jy verklee,
jou lyf
uitstal:
perfekte boude,
borste,
bene,
klinkklare kont
en uitnodigende klapperhaartjies.
Jy is amper verlief
op jouself. En weet
ek kyk skalks na jou.
In die spieël
of verby jou, blindweg. Maar ek is soos
’n dorpslagter bewus van elke snit,
jou gewig, die sagte biltong
op jou rug. Ek slag
jou af en jou lyf hang
in die koelkas
van my verbeelding.
Jy word stadig maar seker ryp
en reg vir die dag
wat ek sal naderstap
en ’n gesprek aanknoop.
Miskien praat
ons nooit nie. Dit
maak ook nie saak nie.
Tot ons wederloers.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.