The girl from Ipanema

Joan Hambidge

Kordaat stap sy met haar waatlemoenboude
in ’n tanga oor die Copocabana
haar borste nie skorsies
maar gekneusde spanspekke
en haar lippe twee vrot pruime.
Sy is ’n hele spyskaart sundowners
soos “Sex on the Beach”,
“Wild Orgasm”,
“Blow Job”
en ander beloftes van seks.
Ek eet haar met my oë
en wonder oor haar oorryp koejawel
en die smaak van bitterlemoene.
Die vrugteslaai van uitnodiging
stap stadig en swalk
op haar hoë hakke.
Sy is ’n hoer, sy vra geld.
Ek begeer nie betaalde seks
of ’n one night stand in ’n sleazy hotel
nie. Nee, ek soek na iets meer,
soos die ghitaarspeler op die hotel se boulevard
wat pluk-pluk aan die snare:
“Tall and tan and young and lovely,
The girl from Ipanema goes walking,
And when she passes goes ‘a-a-ah’”.
Soos Antonio Carlos Jobim
weet ek hoe mens kan verlang
na iets meer as ’n kortstondige
e-k-s-t-a-se.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.