Somewhere over the rainbow

Joan Hambidge

Hoe lyk die hart van ’n dyk?
Die let, mannin, mannetjiesvrou,
butch, dyke of pot?
Vrouetydskrifte verswyg ons lot.
En stereotipes soos ons jaloerse, eensame bestaan
is aan die orde van die dag. Almal wonder:
Hoekom is ons so kwaad? En vir wat is ons so
kwaad? En waarom wil ons soos mans lyk
as ons juis om elke hoek en naai
hartgrondelik die piel vermy?
En wat maak ons in die bed?
Vir bykans twee dekades nou dig
ek hartgrondig, tevergeefs,
woedend oor dié vrou se grif.
Maar ek is nie een van “hulle” nie.
Ek staan buite hierdie susterlike verband.
Ek is nóg man nóg vrou. Nóg straight nóg gay.
Nóg vis nóg vlees. ’n (N)iemand.
Soos ’n reggemaakte kat. ’n Neuter. ’n Niks.
Nêrens. In transit. Op pad. Tussen-in.
En soms, net soms verbeelde, kortstondige geluk:
iets soos ’n lugspieëling, soos mis onder die son.
Of eerder: die pot onder die verdwynende reënboog.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.