dispuut

Kariana Swart

hoe kommunikeer ek my pyn na jou kliphart
hamer ek, breek jy - fluister ek, bly jy
onwrikbaar solied onder jou sagte klein borste

my woorde breek op jou soos kaal bene
die murg tap oor jou onvervormbare oppervlak
ek skree maar jy word nie brood of voed my nie

in die holte van my hand het jy versteen
koesteringe kon jou metamorfose nie keer
selfs die sap van jou seks proe soos rots

ek slaan myself met jou oor die kop
vergruis my vingers kroontjie wangbene
'n steniging is beter as hierdie ongoddelike stilte
ek gooi jou so ver as my verminkte liggaam kan hardloop nader en kyk of jy anders is, dalk bloei - jy l? sonder trane of indentasie in die stof van ons argumente
in uitlewering sug ek deemoedig in jou doofstom oor
ek hou jou harde skouers vas en hoor jou asemhaal
totaal veryster teen enige aanslag van my liefde




LitNet: 06 Mei 2005

NOTA: Ek ontvang graag reaksie op hierdie gedig. Stuur dit na dbbotha@mweb.co.za.
DANIE BOTHA

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.