|
|
|
|
|
|
|
Hallo daar!Fanus RautenbachStem vroeg. Stem reg. Stem dikwels! Die stemme is fluks aan die inkom om 'n naam vir ons rubriek te kies. In hierdie stadium loop Umfaanus met meer as 'n kortkop voor. Onthou, elke stem kry, soos dit inkom, 'n nommer en aan die einde gaan ons 'n trekking hou. Die kieser wie se nommer getrek word, wen ook 'n eksemplaar van die dubbel-laserskryf* 'n Hele Opvoering. Ons sluit vandag die debat oor 'n Afrikaanse vertaling van urban legend af en begin van die voorstelle vertel. Hierdie is almal wat lus het om saam te speel se rubriek. Rubriekers kom saam om te klets, te vertel, nuwe woorde te skep en humor te deel. Kom rubriek in die rubriek sonder brieke by pietc@sybaweb.co.za.In die Sonstad het 12 van die wêreld se voorste gholfspelers dit begin uitspook in die Nedbank Uitdaagtoernooi.
Tossel sê: Oom Trevor sê ons groeikoers gaan vanjaar 3,5 persent wees. As hy die inkomste van Ernie en sy maters vanjaar kon bygetel het, sou dit seker 10 persent gewees het. Groot nuus hierdie week was die hof wat beslis het gay-huwelike is in die haak - hulle kan ook nou maar afhaak. Wat sal ons gay-huwelike op Afrikaans noem? Dalk eiesoortige huwelike? Die kerke se reaksie op die jongste verwikkeling laat my dink aan die ou gesegde: "Hulle is getroud, maar nog nie gekerk nie." Pieta vertel met al die gestemmery vir 'n naam vir ons rubriek en met oom Trevor in die nuus, laat dit hom dink aan 'n stemdagstorie van die voormalige minister van finansies, Barend du Plessis. Op stemdag in sy kiesafdeling Florida kom 'n omie met uitgestrekte hand na hom aangestap: "Ek is so bly ek kan uiteindelik 'n slag aan jou hand vat - ek het die ding al verdomp so baie in my sak gevoel." URBAN LEGENDS … en nog is het einde niet! Chris van Zijl, Universiteit Pretoria, skryf: Kom ons los nou eens en vir altyd die legende van die stadslegende, dorpslegende, streekslegende, asook stoepstories, markpleinstories, plaasstories, kerkstories, skoolstories ... en ander stories op. Aldus Chris van Zijl. Nou ja toe. Gaan heen en vertaal urban legend met iets anders as stoepstorie, stadstorie, plaasstorie, kampvuurstorie … Onthou, dit gaan nie om die plek waar die legende vertel word of afspeel nie, maar oor die kinkel of swendel of stertjie wat die legendes anders maak as blote oorvertellings. 'n Mooi so 'n storie oor stadsjapies in die jagveld is van die manne wat elke aand die halfklaar bottel wyn in die kampyskas gebêre het wanneer hulle gaan slaap. Bedags as hulle met bakkies agter die bokke aan is, maak Jonas weer die kamp skoon en maak kos. Toe die manne terugkom, is die halwe bottel wyn weg. Jonas is dadelik onder verdenking en hulle besluit om hom 'n streep te trek. Hulle pie daardie aand in 'n bottel en bêre dit in die yskas. Volgende middag is dit weer so. Die halfvol bottel is weg, maar Jonas lyk heel vrolik. So halfpad deur sy bord bredie, wat deur Jonas voorberei is, kan een van die manne dit nie meer hou nie. "Jonas," was die wyn wat ons vir jou in die yskas gelos het, darem lekker?" "Nee, ek weet nie. Drink nie wyn nie. Gooi dit net by die kos," kom die antwoord. Môre speel die Bokke se tweede span teen die Poemas se tweede span. Die Poemas se eerste span speel vir klubs in Frankryk, want hulle betaal meer. Die Bokke se eerste span speel in Engeland vir die Baabaas teen die All Blacks se tweede span. Nou verstaan ek niks meer nie. Rugby raak nou amper net so vreemd soos krieket: As ons onbeslis teen Indië gespeel het sou ons eintlik gewen het, sê hulle. Maar toe wen die Indiërs. Nou wen hulle!  Hier is nou 'n regte stadslegende. Jy het sake met iemand. Jy moet dringend met daardie persoon in verbinding tree. Daar is een manier: bel hom. Hy is nie daar nie en hy los vir jou 'n boodskap op sy antwoordmasjien: "Laat asseblief jou naam en nommer en ek kom terug na jou toe!" LAASTE HOOR VAN DIE BLIKKANTIEN Miskien kan een van ons sangers dit toonset en/of sing. Onthou, ons stemming vir 'n naam vir hierdie rubriek sluit aanstaande Woensdag 8 Desember en een gelukkige kieser gaan ook 'n eksemplaar van die dubbel-laserskyf 'n Hele Opvoering wen. Groetnis! Fanus
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
