|
|
|
|
|
|
|
Hallo daar!Fanus RautenbachOns kan nou ongelukkig nie daarvan 'n vakansiedag maak nie, maar vandag begin die verkiesing by ons. 'n Kortlys uit die voorstelle vir 'n naam vir ons rubriek word vandag geplaas. Nou moet die LitNetters die wenner kies. Later hierdie week takel ons urban legend met mening en begin ons met 'n splinternuwe limeriekwedstryd. Hierdie is almal wat lus het om saam te speel se rubriek. Fanus soek rubriekers om saam te klets, te vertel, nuwe woorde te skep, humor te deel - te rubriek in die rubriek sonder brieke by pietc@sybaweb.co.za In Sondag se Rapport word berig: "In Soweto is 'n nagklub met die naam Slaghuis. Van die jeugdiges wat gereeld hier uithang, gaan môre … op SABC1 openhartig gesels oor hul seksuele gewoontes en die gevolge van roekelose seksuele gedrag."
Tossel se ma sê ander dag vir haar: "Dis tyd dat ons 'n bietjie oor seks gesels." Antwoord Tossel: "Die saak is reg só. Ma moet maar sê wat ma wou geweet het." Gerhard Roux … die skakelbeampte wat Dale Carnegie uitgedink het; bekende in reklamekringe, sportkommentator van naam, en mede-aanbieder van die destydse gewilde Koffiehuiskonsert van Pieter de Waal … was verantwoordelik vir heelwat pretprogramme op sy dae ... waarvan Caltex Kaskenades miskien die bekendste was. Ons brieklose en nog naamlose rubriek gesels oor die naweek met Gerhard Roux. Nou kyk, hier is 'n sportkenner, met 'n fyn humorsin. Dik tong in die kies verwys hy soos volg na ons onlangse rugbyglipse: Net-net, toe ons rugby amper dotis Van die wedstryd teen Ierland: Dit was die Ier van vergelding … Engeland: Dit was vir Engeland - maar nie vir ons nie - 'n bed van Rose ... Saterdag Skotland: Ons het nie helemal skotvry gekom nie … Nou moet ek sê: Bryan Habana, sterk bruingeurig soos 'n Havana-sigaar, rook die pyp, eers teen Ierland, met sy eerste vat aan die pyp. Toe twee keer teen Skotland. (Jy's nie dalk familie van Bryan van Rooyen nie??) Die nuwelinge in die rugbyspan het so goed gespeel dat 'n mens wonder of Jake nie maar elke keer 'n nuwe span moet kies nie, seg 'n vriend Saterdag. 'n Ander vriend sê gewoonlik sorg Schalk Burger alleen vir die geelkaarte, maar Saterdag was daar twee Blou Bulle nodig om dieselfde resultate te kry. Ja, seg die eerste vriend, maar dis goed Jake het nie die hele Bloubulspan op toer geneem soos party mense wou hê nie, want dan was daar later geen Springbokke Saterdag op die veld oor nie! Oor Saterdag se rugby en die nuwelinge in die span skryf Henk Bierman vir ons: Tyibilika, Habana én Fourié? Gehoor by die rugby: "Oeee, hoe speel sulke doedelsakke nie op Murrayfield nie!" Reken my buurman: "Weet jy wat is 'n doedelsak? Dis 'n konsertina wat die Iere as 'n grap vir die Skotte gegee het en hulle het nog nie die grap agtergekom nie !" Oor Saterdag se rugby-uitsending oor TV het ek 'n klippie in die skoen en 'n broertjie dood aan die kamerawerk. Voor die TV-stel in Muizenberg verloop dit Saterdag in 'n stadium só: Ekke: Pieta! Het jy vir my 'n verkyker nie? Ek kan nie die wedstryd sien nie! O nee vaderons, ons moet 'n plan maak met daardie kameramanne in Europa. Miskien onthou hulle die oorspronklike naam: Camera Obscura … "The whole game was obscured!" Kwotalogie? Hoor vandag by die KWV in die Paarl: "Hier by KWV weet ons al baie jare hoe om met kwotas te werk. Wie is Wellington so danig? As dr Boesak Wellington se predikant is, hoekom kan ons nie maar ds Tutu Paarl toe beroep nie?"
"Gun ons die reg om te kritiseer," sê Tutu Dit is nie net biskop Tutu wat probleme met die owerheid het nie. Johannes Lombard, ook bekend as Mot, het die eerste dag op skool al met die owerheid gebots. Juffrou begin met 'n natuurstudieles en praat oor water: "Water is kleurloos … reukloos … en smaakloos." Op skiet Mot se handjie: "Nee, dis nie waar nie, Juffrou! Juffrou jok!" "Kantoor toe met jou!" en sy sleep hom aan sy oor die lang stoep af na die hoof se kantoor toe. Meneer vra: "Mot? Wat is die probleem?" "Meneer, skool wérk nie. Juffrou hier sê water is reukloos, smaakloos en kleurloos …" "En wat sê jy?" "Reukloos? Juffrou, het Juffrou nog nooit reën geruik nie? Smaakloos? Het Juffrou nog nooi reënwater geproe nie? Kleurloos? Het Juffrou nog nooit bruin waterpoeletjies gesien nie? Juffrou jok sommer, Meneer, skool werk nie!" Berig in Sakeblad: "Professore weier om oorname deur Barclays van Absa-bank te steun ..." Dis nie dat hulle geweier het nie. Die Proffies het gewoon net vergeet om te stem … "ABSA-MINDEDNESS?" Ai, maar ons mense het lekker saamgespeel met hierdie naamgeëry. Daar is meer as 100 voorstelle ontvang. 'n Spesiale komitee het oor die naweek 'n kortlys saamgestel, maar dit is ál die LitNetters se rubriek hierdie en daarom moet hulle besluit wat die uiteindelike naam gaan wees en wie die prys wen. Hier onder is die kortlys en 'n stemprosedure wat LitNetters kan gebruik om te stem. Kortlys: 1. Flink Vonkia Vul jou eerste, tweede en derde keuse per e-pos in en stuur jou stembrief na pietc@sybaweb.co.za. Stemme sluit op Woensdag 8 Desember om 12.00. Groete Fanus
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
