AK-47

Floris Brown

jy, snellertrekker, hoe slaap jy
as drogoë jou oral in die nag beloer ?
hoe slaap jy as honger kinderkrete
teen jou oordromme slaan ?

jy, snellertrekker, hoe slaap jy in die nag
as kindervoetjies jou oral
in jou drome volg ?
hoe slaap jy as bloedgraffiti
teen jou vensters spat ?

is jou pligsgetroue uitvoering
van ’n opdrag regtig so ver verhewe
bo korale en sterre van God ?

mammie het jou dan Sondagskool laat loop
in die kerk laat bid
jou snags op haar skoot getel
leëringe van God vertel
waarom skiet my kind weerlose onskuldiges ?
waarom vermink my kind die tempele van God ?

boetie, laat val jou AK-47, kom liefs huis toe
laat ons weer van voor Sy paaie bewandel

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.