Archive
Tuis /
Home
Briewe /
Letters
Kennisgewings /
Notices
Skakels /
Links
Boeke /
Books
Opiniestukke /
Essays
Onderhoude /
Interviews
Rubrieke /
Columns
Fiksie /
Fiction
PoŽsie /
Poetry
Taaldebat /
Language debate
Film /
Film
Teater /
Theatre
Musiek /
Music
Resensies /
Reviews
Nuus /
News
Slypskole /
Workshops
Spesiale projekte /
Special projects
Opvoedkunde /
Education
Kos en Wyn /
Food and Wine
Artikels /
Features
Visueel /
Visual
Expatliteratuur /
Expat literature
Reis /
Travel
Geestelike literatuur /
Religious literature
IsiXhosa
IsiZulu
Nederlands /
Dutch
Gayliteratuur /
Gay literature
Hygliteratuur /
Erotic literature
Bieg /
Confess
Sport
In Memoriam
Wie is ons? /
More on LitNet
LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

Nuwe verhoog vir uitvoerende kunstenaars in Soweto

Mediavrystelling

Op 24 September 2006 sal 'n belangrike kulturele gebeurtenis in Soweto plaasvind met 'n sooispit-seremonie vir die Miracle Teater, 'n nuwe teaterfasiliteit in Jabavu White City. Aangesien daar geen formele teatervenues in Soweto is nie, is hierdie projek 'n welkome onderneming. Hierdie teater is 'n inisiatief van die Herman van Veen Foundation.

Tydens 'n besoek aan Suid-Afrika in 2004, het die verhoogkunstenaar Herman van Veen lede van Thesele Creative Society, 'n jong teatergroep uit Soweto ontmoet. Nadat dit aan die lig gekom het dat daar verskeie tronke in Soweto is, maar geen geskikte venue vir hulle om op te tree nie, was Van Veen se kommentaar: "As jy 'n viool in die hand het, het jy nie tyd om 'n vuurwapen ook vas te hou nie."

Die eindresultaat van hierdie ontmoeting is 'n projek om 'n verhoog vir uitvoerende kunstenaars in Soweto te skep, asook 'n fasiliteit waar kreatiewe en opvoedkundige slypskole vir kinders aangebied kan word. Die gemeenskap se behoeftes vir 'n meerdoelige ruimte sal ook hierdeur vervul word.

Te danke aan die finansiële en organisatoriese rol van die Herman van Veen Foundation en hul samewerking met Thesele Creative Society, Tom Roos ('n Vlaamse regisseur wat nou met Thesele saamwerk en geborg word deur die Vlaamse regering), Ipelegeng Gemeenskapsentrum en die Anglikaanse Kerk, word hierdie droom nou 'n realiteit.

Daar is besluit om die teater as deel van die Ipelegeng Gemeenskapsentrum op te rig en sodoende 'n verdere bydra te lewer tot die reeds bekende en hoogs suksesvolle sentrum. 'n Onderbenutte saal op hul gronde (die eiendom van die plaaslike Anglikaanse Kerk) sal omskep word in 'n meerdoelige ruimte met 344 terugtrekbare sitplekke. Dit sal ingerig word met die modernste tegniese toerusting. Planne vir die teater sal binnekort aan die stadsraad voorgelê word vir goedkeuring. Die Suid-Afrikaanse argitek, Fanuel Motsepe, sal die ontwerp, wat plaaslike behoeftes in ag sal neem, behartig.

Die teater sal bestuur word deur 'n gemeenskaplike raad van verteenwoordigers van Thesele Creative Society en Ipelegeng Gemeenskapsentrum. Thesele Creative Society sal die teater as permanente geselskap benut, maar dit sal ook tot beskikking gestel word vir besoekende geselskappe. Na afloop van die voltooiing van die projek, sal al die betrokke partye steeds op professionele, opvoedkundige en finansiële vlakke betrokke bly.

'n Dankseggingsfees sal op Erfenisdag, 24 September 2006, by Ipelegeng Gemeenskapsentrum plaasvind, om die naderende bouproses te vier. Verrigtinge sal met 'n kerkdiens begin waartydens Herman van Veen, Imilonji Kantu Choral Society en Rhythmony (van die Pretoria High School for Girls) sal optree. Hooggeplaastes en bekendes sal die geleentheid bywoon, wat ook 'n sooispit-seremonie om 12:30 insluit. Dit sal gevolg word deur verdere vermaak deur plaaslike musikante, akteurs en dansers.
 
"Thesele Creative Society and Ipelegeng Community Centre are greatly honoured to be associated with the internationally acclaimed Dutch stage performer, Herman Van Veen. We sincerely thank the Herman van Veen Foundation for sponsoring the Miracle Theatre in Soweto. A theatre has been the missing link in the development of arts and culture in the community." (Thesele Creative Society)

Vir verdere navrae:
Christien Coetzee
Publisiteit en skakelwerk Herman van Veen 2006
Diva Management vir Herman van Veen Foundation
chris_diva@telkomsa.net
084 356 8833
www.hermanvanveen.co.za



LitNet: 31 Augustus 2006

Wil jy reageer op hierdie inligting? Stuur kommentaar na webvoet@litnet.co.za om die gesprek verder te voer op SÍNet, ons interaktiewe meningsruimte.

boontoe / to the top


© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieŽl nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ín onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.