Die Doedelsak-Blues

Kabous Verwoerd

Die doedelsak huil vir my vanaand
as die son sak en die ander mense dans.
Ek vat die oop pad soontoe met my oë.
Verstom my aan al die vernuftige voete
en die skril gelag wat Happiness soos confetti
voor al die gaste se blinkende glase gooi.
Die sagte reën is ’n tipe affirmasie
van die droewige kolke in my kop.
Ek hardloop buitentoe, kyk op
en skreeu vir die grys lug asof dit help.
Ek sing my eie musiek vir die vreemdelinge.
My taal spat en sis, soos olie op ’n plaat.
Hier gaan niemand huis toe nie.
Die deur is met slotte en balke gesluit
en al dra die bouncers blomme in knoopsgate
het hulle nog steeds love op hulle kneukels getattoo.
Die ou hout van die toonbank blink geel-giftig
en die whiskybottels smile soos vroumense.
Die doedelsak huil vir my vanaand
as die son sak en ek nie meer kan sien nie.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.