Deel van my is my geheel

Linda Duvenage

Ek het jou ingeplant:
in die hoofslagare van my hart.
Die suurstof van jou gees trek, trek
deur die bronchi van my longe.

Want ingeasem en ingesuig is jy:
soos grass by ’n trance party,
soos ecstacy by ’n rave joint,
soos coke voor ons Abba herleef.

Ek sal jou pyn-
bytende tande voel insak in my gewrigte,
as ek griep het.
Ek sal jou vreugde-
ruisende adrenalien ervaar in my bloedstroom,
as ek senuweeagtig die klas toespreek.

Jy is van my — deel.
Jy word my vlees:
my tande as ek vlos,
die binnewande van my bene as ek bad
en vir altyd word jy  
die een waarvoor ek  
nie geweet het:
ek leef.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.