DPM Botes

in die nag

in die nag van my onbegrip
kom my vader na my toe
vertel hy my van politieke moorde
van maghebbers sonder insig sonder kennis
manne met wapens
die dood van heersers
bloedige relase van oproer staking en opstand

en met my vader se woorde
waai die wind oor Soweto
oor swart huisies
huil in die bome die sipresse
huil oor hulle wat slaap

slaap sonder oë sonder sig
slaap soos die klippe op die rantjies
slaap in miershope
slaap sonder emosie
slaap tydloos en swart

slaap sonder woorde
slaap soos my vader
tussen die miershope
onder die sipresse

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.