Vry land

Zandra Bezuidenhout

Sommiges gaan toer of jag of dobbel
jaarliks in die binneland,
of kry hul Julie-jollies
langs ’n renbaan,
speel aan die kus paleis-pondok.

Meer gewones bly voor kaggels sit
of om ’n konkavuur,
en wonder oor die vlam,
geletterdes lees lui-oog ’n gedig of twee
en gee die berge en die sorge nuwe name
wat wissel met die luim, die val van lig;

party boor raaisels oop,
sien gesigte, karlienblomme
wat in die nartjiehart van winter
op ’n pasella bloulugdag
(die skildery moes dit ontbeer)
wynrooi uitrank teen die son -
“Karlienblom,” sy,
windmaker Kaapse meisie,
skarlaken ster
wat vlam én blom.

Toeriste, dobbelaars en jagters
kom vierwielaangdrewe terug;
kyk tuisblyers meewarig aan -
hul weet helaas nie waarom dinge gaan …

2 Julie 2002

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.