Teksture van hier

Zandra Bezuidenhout

My pad loop terug altyd terug
na die boere met die bakkies
in velskoene, na ’n skuurdans en volmaan
boerklonge en hul soene wat proe na lou koffie
en twak deur borselrige snorre
wat prik soos karoobos of hoëveldgras

dis genoeg om voor huis toe te kom
hulle loop is lomp en vierkantig
blokke wat span op koöperasiehemde
reguit getrek soos grensdrade en landerye
windlaaiers draai as hulle beduie
en om hulle die klank van stalle
of kelders

o vir die stof
en die boude van boere op trekkers
wat saai by Caledon
of oes by Delmas
of pars by Hexrivier

vir julle kom ek altyd
terug met die grootpad
na die afdraai by “Uitdraai”
duskant die dam waar die stofpad
en die boorde eers was.

Interkontinentaal gesproke
is dit waar ek pas.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.