Viskoop in Valsbaai

Zandra Bezuidenhout

Laatmiddag kom die skuide in.
Die vangs van silwervis en rooi roman,
steenbras, kabeljou en snoek
kom volkleur uit die see
se woordeboek.

Ou hande krap en vlek;
die lemme flits en vloek
en spreek in tale.

Raasbekseevoëls sak
in kakelende wit en swart
oor binnegoed en grate:
’n dominoparty van vrate.

Moeë monde brom
oor kopers in die tou
wat van hul vis
so goedkoop hou.

Die kaai loop leeg,
die boepens-skuide lê nou
omgedop;

intussen steek die storm
in die drome van
’n klein bemanning op.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.