Skoolvoedingskema, vyftigerjare

Zandra Bezuidenhout

bleek en seningrig en arm
sluk ons lepels lewertraan
trek skewebek
drentel in ’n skewe ry
tot by die oopslaanluik

Sofia met die armbande en die doek
lag met haar goue tand
sy wink, haar hande skink
kakao wat roesbruin skuim
en damp uit wit emaljemmers
oorlopens diep die moederbors
so gul, so vol

ons slurp alreeds en soek die oggendson
die skoolmuur flikker blind
die seuns drink ongeskik
vergeet die smaak van bekers en van blik
die dogters lek die laaste vleugie bittersoet
met soepel sjokoladetonge uit
koester die klein kwartier
verduur die winter
tot in ewigheid

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.