Die Sanlam/LitNet aanlyn-skryfskole

Ongalulu, Sektor 2-Zero, Suidwes-Afrika/Angola, 1986

WL van der Merwe

Bedags het ons in die oop savanne patrollie geloop,
maar snags die kaplyn oorgesteek na die ander kant
om tussen veeskuilings, statte en sendingstasies
waterputte te vergiftig en landmyne te plant.

Toe verskuif die generaals met kopspeldjies op ‘n kaart
in Pretoria die kaplyn noord met breuke van ‘n breedtegraad,
waarna ons snags moes valskermspring na Angolese grond,
en terugwaarts bedags water ontgiftig, landmyne ontlont.

LitNet: 23 Augustus 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.