Die Sanlam/LitNet aanlyn-skryfskole

nuusredakteur

Johannes Prins

’n nuusredakteur
bid nie
want god is net nog
’n storie
 
as ons nie kommentaar
by hom kan kry nie,
of sy woordvoerder
staan die storie oor
           tot môre
as hy op rekord erken
dat hy moord gepleeg het – al was
dit om ander te red – maak
ons die voorblad skoon
met kommentaar
van die kerk
en die polisie
 
as hy nie sy telefoon
antwoord
of reageer op boodskappe nie,
stuur ons ’n verslaggewer
met ’n bos blomme
na naasbestaandes
en ’n fotograaf
wat sweterig
agter ’n lang lens
           dooierus
oor ’n muur
aanlê
 
’n nuusredakteur
bid nie
want god is net nog
’n leser

LitNet: 23 Augustus 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.