Die Sanlam/LitNet aanlyn-skryfskole

'n pa se liefde

Loammi Wolf

star is die vrou se hart
verlaat deur na-geboorte blues

starheid die sooi
van kilheid
wat koudheid word

koud die lakens
koud die hart
die lag in die oog verstar

’n droë koue hart word welk
by die ontluikende vroulikheid
vlees van sy vlees
die bed so warm
nag vir nag

vroomheid sterf vir die nag
lendes droog vir die dag

waar eens jongmeisie drome
’n hart vol skugter tienerdrome
bly net
’n hart vol saagsels
wat skaaf, rouskaaf
nooit ophou skaaf
en liefde verbied

LitNet: 23 Mei 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.