Die Sanlam/LitNet aanlyn-skryfskole

Brekvis

Antoinette Klein

ek wens jy was nader
ek wil vir jou brekvis maak
op 'n geel en wit geruite doek
vars brood en botter
dik    vol borrie appelkose en vye
rooibostee    swart en bitter
sakkoffie    soet met room daarop
ek wens jy was nader
dat ek die room van
jou lippe kon lek
en jou hande die kaalte
van my slaaplyf
onder die kamerjas stryk
oor my muffin borsies
af oor my bacon ronde buik
totdat ek smelt net soos
botter in die eierpan
en gaarword vir jou
die wit gestol en die geel nog sag
as jy net nader was

ek wil vir jou brekvis wees
met my winterwit lyf
en die geel van my hart
sou jy net nader kon wees

LitNet: 23 Mei 2006

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.