Die Sanlam/LitNet aanlyn-skryfskole

Distrik Ses

Madge du Preez

Ons kon ons nie verset
teen staat en pen en wet,
‘n burger sonder stemreg
gevee net uit die weg.

“Tien lamoene vi’ six bob,
lekka’ worrels virrie sop.
Moede’ ka’ ma’ voel,
hy’s lekka’ vaa’s -
net soe vannie plaas!”

Op allie hoeke dice ‘ie skollies –
die moffies loep’in lippe pollies.
Mr Haliem staan met voo’skoot beite,
Abdol ve’koep sy vis’in keite

“Hanove’straat ek gat djou mis,
die kressen vi’ sy paape,
die blomme en’ie vis,
die double dekke’ bus.”

Bulldozers het gakom
en o’s heritage gebom.
O’s het g’n sê gehad,
hulle her’it net kô vat.

Die trane,
die vermetelheid,
die verlange –
die toekoms?

LitNet: 14 November 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.