Die Sanlam/LitNet aanlyn-skryfskole

waar ons speel by scylla of charipdis

Jasper van Zyl

uit glip jou klavier met die stram ivoorklawers,
en my kitaar (berekend, klassiek -
hierdie dinge verruk my maklik)
op die groen droomverhoog van 'n woud (kyk al die ixias)
en by die duiselige seance van wolwe
wat huil, onderduims, inhalig
met bloedige lekkergoedtande in hul monde

my tronkok loer somber deur die takke heen, engel
met die klawers as agtergrondmusiek en jou stem
vir die duiwe in die bome wat nie weg kan vlieg
of ogies maak vir sulke diere nie.

dis vir húlle dat ons musiek maak.

maar aan kom al daai wolwe met hul sterte en tonge
en lek verskriklik aan hul lippe.
waar ek en jy so triestig speel, met die wind
deur die takke en die klokke
wat gevaarlik vernuftig
eggo teen die lug.

LitNet: 14 November 2005

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.