Chardonnay

Louis Esterhuizen

Liefsteling, ek proe jou in die mond!
In die gerypte chardonnay se vatveroudering
met ondertone van waatlemoen afgerond -

Sag, met die tannien slegs 'n krieweling
op die tong se lispel in geure van chardonnay.
Hartlief, ek proe jou in die mond -

Subtiel, soos teruggehoue lig wat skemer
in die dun vallei, gaan jy onder my hande oop -
vlesig, met die ondertone van waatlemoen

afgerond. Iets ligs is jy, en tog ook aards -
iets uitgestrek wat veraf horisonne byeenbring.
Liefding, ek proe jou in die mond,

in die totale reikwydte van smaak en kleur -
die chardonnay se volronde plof teen my tong
met ondertone van waatlemoen afgerond.

Teen my verhemelte rol ek jou, en proe
die gekneusde vrug se beleë reis na vreugde.
Allerliefste, ek proe jou in die mond -
vlesig, met ondertone van waatlemoen
afgerond.



LitNet: 28 July 2004

boontoe / to the top
terug na indeks / back to index

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.