Argief
Tuis /
Home
Briewe /
Letters
Kennisgewings /
Notices
Skakels /
Links
Nuus /
News
Fiksie /
Fiction
Posie /
Poetry
Taaldebat /
Language debate
Opiniestukke /
Essays
Boeke /
Books
Film /
Film
Teater /
Theatre
Musiek /
Music
Slypskole /
Workshops
Opvoedkunde /
Education
Artikels /
Features
Visueel /
Visual
Expatliteratuur /
Expat literature
Gayliteratuur /
Gay literature
Xhosa
Zulu
Nederlands /
Dutch
Rubrieke /
Columns
Geestelike literatuur /
Religious literature
Hygliteratuur /
Erotic literature
Sport
Wie is ons? /
More on LitNet
LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

SR se opinie oor die taaldebat
(20-10-2005)

Ongetwyfeld is taal tans n belangrike en kontroversile kwessie vir die studente van Stellenbosch Universiteit. Daar is ook talle verskillende opinies onder studente oor hierdie kwessie. Die Studenteraad erken hierdie verskillende opinies, belange en bekommernisse en hanteer dit as n saak van erns. Verder moedig ons gesonde, konstruktiewe debat oor hierdie kwessie aan.

Die SR het deurgaans gepoog om nugter en verantwoordelik met hierdie kwessie om te gaan, eerder as om oorhaastige uitlatings aan die pers te maak. Gesien in hierdie lig, is dit dan jammer dat ons (in n soeke na sensasie) hopeloos verkeerd aangehaal word en daar selfs berig gegee is dat die SR-Voorsitter voel dat die meeste studente glad nie n probleem het met die T-opsie nie en nie omgee oor die taalkwessie nie. Dit is natuurlik glad nie die geval nie. Ons is pynlik bewus van die verskillende studente se behoeftes en opinies oor hierdie saak en stel dit beslis op prys.

Die SR maak kapsie teen die idee van sommige individue dat ons slegs as lakeie van die US-Bestuur optree. Dt is ons beslis nie. Ons enigste doel is om alle studente se belange (en die beste belange van die hele studenteliggaam) te verteenwoordig.

Dit is vir ons jammer dat baie van diegene wat toetree tot die debat, ander kategoriseer as f konserwatief, met hul voete stewig in die ou bedeling, f opportunistiese agente van die regering, bloot op grond van hul mening oor taal in hierdie debat. Dit is vir ons noodsaaklik dat daar wegbeweeg moet word van hierdie stereotipering en dat daar eerder gefokus moet word op wat in die beste belang van ons studente is.

Die SR sien ons rol as di van leiding in hierdie situasie. Diegene wat voel dat ons n openbare stelling moet maak oor watter taalspesifikasie (taalopsie) ons kies, verstaan duidelik nie die kompleksiteit van die debat nie. Om bloot n opsie te kies, is nie ons doel nie. Hierdie studenteraad is nie s arrogant om voor te stel dat ons die oplossing op hierdie ingewikkelde probleem het nie. Wat ons egter aanbied, is n paar grondbeginsels wat ons glo as vertrekpunte gebruik moet word in die taaldebat. Ons glo dat n gesonde debat slegs binne hierdie raamwerk sou kon plaasvind.

Die Studenteraad van die Universiteit van Stellenbosch glo dat:

1. Afrikaans belangrik is;
2. alle tale gerespekteer moet word;
3. die taaldebat moet handel oor taal en nie gebruik moet word om enige ander agendas te dryf nie;
4. onderrig n sentrale fokus van hierdie universiteit moet bly;
5. elke student suksesvol moet kan leer en studeer aan die Universiteit van Stellenbosch;
6. taal nooit die rede moet wees vir enige student se akademiese mislukking nie;
7. geen student ooit skuldig of selfbewus behoort te voel wanneer hy/sy kies om in sy/haar moedertaal te kommunikeer nie (ook Afrikaanse studente);
8. geen student moet voel dat sy/haar taal bedreig word nie;
9. studente die geleentheid moet aangryp om verryk te word deur ander tale as hul eie;
10. net soos Afrikaanssprekendes verryk moet word deur die invloede van ander tale, nie-Afrikaanssprekendes ook moet toelaat dat hulle verryk word deur Afrikaans;
11. daar steeds klas gegee moet word in Afrikaans aan die US;
12. die Universiteit van Stellenbosch n nasionale bate is. Dit beteken dat hierdie universiteit n trots Suid-Afrikaanse kultuur en identiteit moet h. Afrikaans het slegs n regmatige plek as ons dit sien binne die nasionale konteks, maar dan het dit nie net n regmatige plek nie dit het n noodsaaklike plek;
13. ons moet trots wees op ons verskille en ons diversiteit en dat ons ons uniekheid saam moet vier;
14. ons moet erken dat daar meer as een uitgangspunt is en dat daar meer as een opinie is wat gehoor moet word;
15. Afrikaans aktief uitgebou en ontwikkel moet word as onderrig- en wetenskapstaal (en dat dit gedoen kan word sonder om enigiemand te benadeel of uit te sluit);
16. daar verantwoordelik met hierdie debat omgegaan moet word, al is dit n makliker opsie om die saak te oorvereenvoudig en net te stem oor n taalopsie.





LitNet: 7 November 2005

Wil jy reageer op hierdie artikel? Stuur kommentaar na webvoet@litnet.co.za om die gesprek verder te voer op SNet, ons interaktiewe meningsruimte.

boontoe / to the top


© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspiel nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.