|
|
|
|
|
|
|
IMIHOBENguVictor MkhangisaTHAMBO LAKWAMBEKIMhlekazi uMongameli Sinunzanunza sesinunzela Mbanyarha nyana weembewu zaseMbewuleni Mbambo zeembambo zoluntu oluntsundu Nzikinzane yezidumba zamaZizi Wena wabonakala buqumbi kwabo Banwele ziyephuyephu. Ndizibula ngokuzamla Ukuphuma kukaMuammar Gaddafi Isithandwa samaZantsi eAfrika kwiindonga Zomzi wakowabo, ezokunika Iintsikelelo, ezokwakha ubudlelwane Kwizwekazi leAfrika. Abuy’ umva amanyangaza akhe, Manyangaza akhokhela imbutho yezizwe Ngezizwe ezimanyeneyo, wathiml’ uClinton Yanxwal’ igusha yeCommon Wealth Yatsho yathi Blair ... Uzuqinis’ ifokotho nyana kaNongqawuse Batshilo abaninzi, batsho ukuthi Uz’ udlul’ indlela ucande imimango Uz’ uwel’ iindonga, ukhumbul’ iintaba Zoyihlomkhulu, ube yiyo indlulamthi Ukuz’ inkanyamba ingawugqibi Umhlaba wobawomkhulu NYANA WABADALA SIKHOKELENdinwabuzela nje okonwabu Lingenil’ iZizi uJama kaSijadu ndod’ Engufakade ingxob’ inoboya yiyo loo nto enezingqi Xa ehamba, yen’ undevu zifana nqwa Nezehlosi, yen’ uthetha ngokuzondelela Nocoselelo ingathi kukuhamba kukasikolipati Yen’ uphuma phakathi kwamaGqobhoka NamaQaba. Unyana kaNongqawuse okaHintsa KwanoSekhukhune, okaZwelibanzi uZwelibalele UZweliyaduduma, okaSiyolo unyana wooMhlala OkaMaqoma iknosi yamaNgqika nguye lo, Unyana kaNxele uMakana uMakhanda Owakhanda iRobben Island. Nanku unyana ephuma kumabele EDutywa yen’ uyaziyo indlala kwanentlupheko Nobutyebi obukhoyo kule Afrika ukuba Bazuzwa njani. Yiyo loo nto ekhale ngeAfrican rennaissance Wathi kwabangapha kweAfrika sons of Africa which was fertile return to you country A land of art and culture, return to Africa To embrace its rennaissance with you Education. Singathini ngeli qhawe Thabo hlanganis’ amathambo eAfrika Mvunyelwa vuselel’ iinkonde Neenkondekazi zale Afrika zikufulele Zakuvumela son of Goven Goven the time has come. MKHONTO KAMQHAYIMkhonto kaMqhayi uhlabile Wasihlahlel’ indlela, Wawadlul’ amaxhalanga Kukrazuka kwamalaphu amaNgesi Zavel’ iintsumantsumane Ndoda yekhala kuzalwa kukaJolobe Mbong’ engxatha ebuhlanti engadlel’ ekhusini Bhomoyi ngqongangqonga kulwimi lwenkobe. Ukuhlokoma kwakho yayikukuhlokoma kwesizwe Kwafana nokugxwala kwebhokhwe, Kuwa kwakho kwadidekisa kwanqanqathekisa Amadoda, ngathi axakwe ziinqawe zawo Kunduluka kwakho kwafana nokunduluka koGabha Kuwa kwakho kwafana nokuzika kukaMendi Kubhubha kwakho kwazimbatshisa iimbongi Ngathi kuza nesiprofeto sikaNongqawuse. Xa wanduluka nyana wembali Mgqibeleli mqinise womhobe wesizwe Wanduluka neenkosi, neembongi namahlungulu Xa nayiqabel’ inqwelo esing’ emafini Sivuleleni indlela, masibenge enaniyibengile Le yakwazi ukuthi izale ooNomenti kaNgcongolo Khawuyiyeke iqandusele amaduna namathokazi Sicel’ indlela ndlel’ eneentsikelelo ndlel’ enobuntu. UZ’ ULIBAMBE LINGATSHONINdiyamoyik’ umfazi Ndiyamoyik’ umfazi Ndiyamoyik’ umfazi, umzali, unina Ndoyik’ umfazi ofukam’ umntwana Iinyanga ezintathu, hayi ndiyaxok’ umfazi Ofukam’ iinyanga ezintandathu, hayi maan Ndiyamoyik’ umfazi ofukama aqandusele kwinyanga Yethoba, yen’ ukhulul’ isizwe, mfazi ozal’ inkwenkwe Ekhukhumala ibe yindoda. Ndiyamoyika ndimhlonela obamb’ igaba agawule Unga ungagawula ugawule nogawulayo Wen’ ugawula imiba edl’ umzi nedl’ isizwe Wena wazekwa ngenxa yamadolo azelwe Bubulongwe, ndikunik’ imbeko yam Ndithi khawubenge ubengele amanina, Ubengel’ isizwe amadoda angxathile. Uz’ ulibambe, uz’ ulibambe Lingatshoni mfazi wamadoda. Mfazi weenkomo wena wesizwe Uz’ ulibambe izwi lakho elathi “Wathint’ abafazi, wathint’ imbokotho” Ulibambe lona ilizwe ngomngcelele Owawubambayo mngcelele wokuqala watsho Waliqinqi inqindi oonyana neentombi zenu Zaqingqa amatye ka’76 nina lelizwe Lima lo mhlaba mfazi womfino wena Weswili nolusu kwanenjeke, Nank’ umxoxozi uza kundinxanxatha Wena wabetha amadoda esembarheni Uzulibambe lingatshoni, bamba ubambe Umonakalo kumadoda ahamba ngapha Kweenkciyo esondela kumhlab’ ongezantsi Ngeenkani ndithi, ndee ndithi ndee Ndithi ndee vondololo. XOLANI MAXHOBAUsihlabele umhlabeli wobomi Uzixhelel’ uxabeli wempilo Walihlabel’ igwijo elingathandekiyo Zithe zakuqal’ iinkonde neenkondekazi Zalandel’ iintsana zale Afrika Zawa zaqengqelek’ ezi nqawe ziintsundu. Neli litye besiphila kulo Eli chibi belimpompoza liphelile Zimpompozile iimfundiso zakhe Zobugqobhoka, wathetha ngale ncwadi Imlom’ ubomvu, uthethil’ ezibhijele Ngungub’ umrhaji kaNtsikane uGabha. Haa bazali bazili, bafundi bafundisi ntsapho Umkil’ unyana womntu, indulukil’ ingelosi, Kaloku iingelosi azilihlali eli limagada ahlabayo, Ibinokuhlala njani le? Yiyo loo not yena ethethe njengoNtsikana Xa abanye bethethe njengababhoxi Ulufezile ugqatso lwakho ebekade eluchaza Wabadlula abaqaqadeki ebebezichasil’ ezo Ngongoma zakhe. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
