Onwillige voyeur

Stephan Jones

Van die hek teen die pad moes ek kyk
hoe die maan
as genooide gas, 'n ou vriend,
deur die raam
van jou slaapkamervenster inklim

om seker te skuif: oor die grof
van die mat,
oor die glad van jou lyf,
jou hand, wat
oop op jou bors gelê het.

In ligter slaap het jou vingers
gesper, gespalk
'n stukkie van die maan omvou.
Jy't gemurmel-glimlag, omgedraai …
Het jy dalk
besef dat jy 'n stukkie van sy lig vashou?

Baie later moes ek sien hoe die son
teen die muur,
die vloer, die bed afskuif om stiptelik
om ses-uur
op sy hand te skyn waar dit intiem tussen jou borste gelê het.




LitNet: 04 Augustus 2004

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.