Retoervlug

Antjie Taterat

My verbeelding gaan vanaand
weer op 'n retoervlug
want ek lê weer (soos altyd)
agter jou koue rug
ek het so met die jare geleer
jy is 'n ware heer
wat maand na maand
jou rug op my keer

Nou swerf ek aand na aand
na eksotiese plekke van my keuse
soms kies ek 'n ou Skotse kasteel
of gaan kuier in ouwêreldse katedrale
soms gaan stap ek in parke met die wind in my hare
soms word ek dronk in 'n Ierse pub
soms fok ek rond
(hang af van die tyd van die maand)

Dan, net voor vaak sy warm vingers
oor my streel
moet ek terugkeer van my kasteel
terug van manjifieke katedrale
moet ek blare en gras uitskud uit my hare
nugter word
sonder orgasme
want my retoervlug
keer altyd terug
tot agter jou koue rug




LitNet: 20 September 2004

Wil jy reageer op hierdie verhaal? Stuur kommentaar na webvoet@litnet.co.za om die gesprek verder te voer op SêNet, ons interaktiewe meningsruimte.
Of stuur jou eie smaakvolle, smaaklike erotiese prosa en poësie na Jaco Botha by hystories.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.