Isikhundla Sababhalialt - Indawo yokulondoloza izinto ezibalulekileyo
Tuis /
Home
Briewe /
Letters
Kennisgewings /
Notices
Skakels /
Links
Nuus /
News
Fiksie /
Fiction
PoŽsie /
Poetry
Taaldebat /
Language debate
Opiniestukke /
Essays
Boeke /
Books
Film /
Film
Teater /
Theatre
Musiek /
Music
Slypskole /
Workshops
Opvoedkunde /
Education
Artikels /
Features
Visueel /
Visual
Expatliteratuur /
Expat literature
Gayliteratuur /
Gay literature
Xhosa
Zulu
Nederlands /
Dutch
Rubrieke /
Columns
Geestelike literatuur /
Religious literature
Hygliteratuur /
Erotic literature
Sport
Wie is ons? /
More on LitNet
LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.

Arts & Culture Trust of the President

AMABHASO AKWANASPERS KUBABHALI ABAGQWESILEYO

Ngomhla wama-23 Juni 1999 ePresident Hotel eSea Point eKapa bekubanjwe umsitho omkhulu wonikezelo-mabhaso kubabhali abaqaqambileyo. Lo msitho uqale ngentsimbi ye-19:30 emva kokuthotywa kothuli ngeziselo ngeziselo zaseNtshona Koloni. Iindwendwe zamkelwe ngokusesikweni nguMlawuli oyiNtloko wakwaNasbook umnumzana Helgaard Raubenheimer. Kwiindwendwe ebezizimase lo msitho bekukho abameli babapapashi zincwadi abavela kumaphondo ngamaphondo eli loMzantsi Afrika. Kananjalo amaziko ezemfundo ebemelwe. Iidyunivesithi zeleNtshona Koloni bezimenyiwe ngokubanzi. Bebephume kwiinkalo zonke abantu ukuza kuzimasa lo msitho.

Abafumene amabhaso ibe ngaba balandelayo:

  1. André P. Brink ofumene ibhaso i-W.A. Hofmeyr ngencwadi Duiwelskloof epapashwe nguHuman & Rousseau.
  2. ILecht Malan Award inikwe uJ.C. Steyn ngencwadi ethi Van Wyk Louw - 'n Lewensverhaal epapashwe nguTafelberg.
  3. uBarrie Hough ufumene iNER Award ngencwadi ayipapashe kwaTafelberg egama lithi Skilpoppe.
  4. IiAfrican Languages Literature Award zinikezelwe kubabhali ababini abalandelayo:
    1. IsiXhosa: K.S. Bongela ngencwadi yamabali amafutshane ethi Iimbali zikaMpahleni epapashwe nguAfro Publishers.
    2. IsiZulu: Meshack M. Masondo ngencwadi yenkcubeko ethi Inkunzi Isematholeni epapashwe ngu J.L. van Schaik Publishers.

Uvuthondaba lwalo msitho lube ngexesha lonikezelo-mabhaso xa umbhali ngamnye ecaphula kulo ndawo akholwe yiyo kumsebenzi wakhe. Izizwe ziyenzile eyazo indima noko iindlebe zam zingebukhali ukude ndiphula-phule yonke le nto ithethwa ziintlanga. UBongela ufunde umhlathi wokugqibela kwibali “Isiqithi sikaMakhanda.” Uthi uMkhwane: “Kuthe xa sikwesi sithuba saphazanyiswa kukusuka imazi yenkomo yalapha isukele intwazana eminyaka ilishumi esuke yasondela ecaleni kwayo isancancisa ithole layo ebilizele ngephezolo. Nako ke sibaleka sisiya kunceda loo ntwazana ibikhala esimantshiyane ngenxa yale ngxaki. Tyhini madoda! Nanko umtshithi wophondo entsuleni yomntwana.”

Lo mhlathi utsho indlu yegquzu yonke kuba eli bali libali elingezinto ezibalulekileyo zembali yesizwe. Nanko ke uBongela ephozisa loo mizwa ngemazi yenkomo esukelana nentombazana de iyifike ngophondo.

UMeshack Masondo yena uvelise isiphiwo samaAfrika sokuvuma. Utsho ngolibo xa evuma ingoma ethi “Kuthiw' asizomlanda” Kwiphepha 80. Uthe ukuba agqibe nje ukuvuma yabe sele ihlahlamba yonke indlu leli galelo lalo mfo ukwangumpapashi.

Umbhali ngamnye unikwe ividiyo eneentetho zababhali bonke abafumene amabhaso kulo msitho. Le vidiyo yenziwe kakuhle kakhulu ngokwemifanekiso nelizwi elikuyo. Kumntu ofungele isiNtu kuthanda ukuba nzinyana noko kuba uninzi lwentetho ingeelwimi zasemzini kubalasele isiAfrikanisi kuzo. Lo msitho nakuba wawumeme bonke abantu bonke ngokweentetho zabo kube ngumnqa ukufumanisa ukuba iilwimi ezi azithethwa zonke koko isiAfrikanisi siyagqugqisa. Abantu abantsundu abebekho bebembalwa kakhulu nangona bezimbini iilwimi zesiNtu ebezinikezelwa amabhaso. Mihla le ke phofu, kunje kulo msitho.

Umntu ngamnye ugoduke egxulushile kuba mntu ngamnye obekho uvavwe ngesithole somthi esihambelana nesihloko ebesikwisimemo sisithi: “Ukufunda kunjengamanzi emthini ... kwenza ukuba ubhlome.”

ngu Mhlobo Jadezweni
Dept. of African Languages
University of Stellenbosch
Stellenbosch
mwj@akad.sun.ac.za

phezulu


© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieŽl nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ín onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.