Déjà-vu

Anna-Marié Radloff

realiteits-TV is hier om te bly

moontlik net ’n goeie movie
vol intensiteit
of die alternatief
dit kan wel eg bestaan
en wat dan?

só droog my skryf op
want ek weet wat op my wag
soos ek weet
dat hulle aan my deur klop voordat hulle aan my deur klop
wat hulle sê voor dat hulle dit sê
wat hulle gedoen het voordat die woorde vorm
soos ek weet

dit is waarskynlik
dat ’n reguit lyn net ’n mirage is
van fragmente teen die spoed van lig
en ek dus bestaan uit dele
gerangskik in die vorm van homo sapiens

ek is kwiksilwer soos die meer
as mens mooi kyk
is daar duisende gesigte wat kom en gaan
in stilte

pyn is ’n goeie leermeester
taktiek, intriges en provokasie
word toegepas
en reaksies aangeteken
vir ingeval ’n inval nodig is

en ’n inval is soos die dood

soos ek weet
Ingrid Jonker het gesê:
“die stad brand onder ’n papierkombers”

soos ek weet
realiteits-TV is hier om te bly

11 September 2001

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.