Afrikaanse Woordfees 2002
“2:2 Dubbelpunt”

Kaap tot Caprivi
Saterdag, 2 Maart, 10:00; 80 min.
Skrywers Johan Bakkes, Chris Barnard, Abraham H. de Vries, Piet Haasbroek, Willem D. Kotze en Carl Boplaas van der Merwe neem jou op reis deur hul landskap.

Storie : Collage
Saterdag, 2 Maart, 10:00; 80 min.
Dine van Zyl, Pieter Wagener, Erika Murray-Theron Emile Joubert, Mary-Ann van Rensburg en Herman Wasserman kombineer hul stories tot ’n treffende collage van woorde. Met ’n Jan Rabie-uitvoering deur Anel Hamersma.

Die wêreld is ons woning
Saterdag, 2 Maart, 12:00; 80 min.
Skrywers Susan Botha, Floris A. Brown, Joan Hambidge, Prèvot van der Merwe, George Weideman en Leonard Koza skilder die wêreld waarin ons woon in hul poësie en prosa. Met musiek.

Vers : Ensemble
Saterdag, 2 Maart, 12:00; 80 min.
’n Unieke kombinasie van vers en klank — met skrywers Marius Absalom, Jeremiah Dampies, Ingrid Fourie, Zavey Goliath, Gideon Visagie Fransi Philips, Marié Viljoen en die Bloemhof-ensemble.

Die stukke wat ons sny
Saterdag, 2 Maart, 13:30, 80 min.
Die bundel Die stukke wat ons sny word opgedis deur Willem Fransman, Eugene Hendricks, Dianne Ferrus en EKM Dido. Geniet ’n lekker stukkie van daai taal!

Vrou : Ruimte
Saterdag, 2 Maart, 13:30; 80 min.
Vrouwees word vernuwend belig deur skrywers Christine Barkhuizen le Roux, Tilla Diedericks, Dianne Ferrus, Elsabé Kritzinger, Patricia Witz, Griet Erasmus en Magdaleen van Zyl. Albert Lintvelt kom bekyk die vrou met ’n man se oog.

Nuwe Stemme 2
Saterdag, 2 Maart, 15:00; 50 min.
Nuwe stemme klink op: skrywers Toast Coetzer, Tersius Kapp, Elsibe Loubser en Melt Myburgh laat die bundel praat. Dichters uit Epibreren kom spesiaal uit Nederland om te wys hoe hulle verse nuut laat klink met hulle podiumpoësie (performance poetry).

Oor die liefde:
Saterdag, 2 Maart, 15:00; 80 min.
Liefdespoësie en -musiek deur Zandra Bezuidenhout, Peter Snyders, Lina Spies, Koos van der Merwe, Juhlene Wagner (alter ego Linka Boekenhout) en Bénédicte Kusendila.

Insig 2002 Skrywers: Negester
Saterdag, 2 Maart, 19:00; 150 min.
Insig stel nege sterre aan die woord! Antjie Krog, Chris Barnard, Rayda Jacobs, Benno Barnard, Rachelle Greeff, S.P. Benjamin, Engela van Rooyen, George Weideman en Maretha Maartens kom lees voor uit hul eie werk, afgewissel met musiek deur bekende kunstenaars.

Insig 2002 Skrywers: Nagwaak
Saterdag, 2 Maart, 22:00; 150 min.
Insig se sprankelprogram van topskrywers maak die nag wakker! Piet Haasbroek, EKM Dido, Stefan Hertmans, Dine van Zyl, Peter Snyders, Zenobia Kock, Deon Meyer, Johannes Bakkes, Jeanne Goosen en Francois Loots kom lees voor uit hul eie werk, afgewissel met optredes deur bekende musiek- en ander kunstenaars.

R45 vir Negester en Nagwaak saam!

STORIES AGTER SKRYWERS ondersteun deur LitNet

Onderhoude. Kom vind meer uit oor die skrywer agter die boek:
R5 by die deur

Piet Haasbroek
Saterdag, 2 Maart, 11:30

Maretha Maartens
Saterdag, 2 Maart, 13:00

Chris Barnard
Saterdag, 2 Maart, 14:00

Jeanne Goosen
Saterdag, 2 Maart, 14:30

Deon Meyer
Saterdag, 2 Maart, 15:00

Zenobia Kock
Saterdag, 2 Maart, 15:30

SP Benjamin
Saterdag, 2 Maart, 16:00

John Kannemeyer
Saterdag, 2 Maart, 16:30

Sarie-Boekmakietie
Saterdag, 2 Maart, 09:00; 3 uur.
Die Sarie-Boekmakietie skop af met Reinet Nagtegaal, skrywer van Voorvaders kan vlieg, sê Delores, wat meer oor haar boek en skryf vertel en ’n stukkie straateater opvoer saam met Jackie, haar dogter. Tee, koffie, vrugtesap en verversings word daarna bedien. Na teetyd vertel Riana Scheepers meer van haar skryfloopbaan en veral ook meer oor haar digbundel, Met die kleur van karmosyn. Daar sal ook uit die bundel voorgelees word.

Literêre Skatkis
Saterdag, 3 Maart, 09:30 en 11:00;
50 min.
John Kannemeyer gee jou ’n kykie in die geheime skatkis van ons bekendste skrywers.

Storie op ’n kleitablet
Saterdag, 2 Maart, 10:00; 50 min.
’n Multi-media vertoning waarin die Gilgamesh epos, die oudste epos in wêreldliteratuur, in woord, beeld en klank tot lewe gebring word. Deur prof. Sakkie Cornelius.

Liefde voor en na die dood
Saterdag, 2 Maart, 11:00; 50 min.
Wat is intimiteit? Wat is ’n sielsmaat? Kom luister na ’n individu se storie oor haar persoonlike en spirituele groei — en oor die meta-fisiese ervarings wat sy beleef het. Deur Martie Momberg.

Die VOC en Afrikaans: Die Kompanjie se taal gedurende sy laaste 50 jaar aan die Kaap
Saterdag, 2 Maart, 11:00; 110 min.
Die VOC se invloed op die taal: ’n Groep kenners van TANAP (’n navorsingsprojek oor die VOC) — prof. Leon Hattingh (voorsitter), dr. Dan Sleigh, dr. Andrew Alberts, dr. Helena Liebenberg en Illona Meyer — kom praat gesaghebbend en onderhoudend oor ’n verskeidenheid onderwerpe, soos seemanstaal, humor en geestigheid, die inhoud van skepe, plekname en oënskynlike anglisismes.

So lyk ons Stellenbosch
Saterdag, 2 Maart, 11:00; 50 min.
Hannes Meiring bekyk die glorie — en ’n paar onderrokke — in ’n beeldvertoning van Stellenbosch se argitektuur.

Sheila Cussons: Verf en vlam
Saterdag, 2 Maart, 11:00 en 14:00;
50 min.
Amanda Botha en Adrie van Eeden ondersoek die opvallende verband tussen Sheila Cussons se skilder- en skryfwerk. Dit word geïllustreer aan die hand van ’n unieke versameling van hierdie groot digter en skilder se skilderye en dokumente — ’n eenmalige uitstalling ter herdenking van haar 80ste verjaarsdag later vanjaar.

Die groot gedagte
Saterdag, 2 Maart, 12:00; 50 min.
Gideon Joubert kom deel sy gedagtes oor die wondere van die kosmos, met spesiale verwysing na sy bekroonde boek Die Groot Gedagte.

Bringing the South African past into the present
Saterdag, 2 Maart, 15:00, 50 min.
Can the past be relevant for the present? Writers Mike Nicol and Rayda Jacobs read from and discuss their own work.

Rondomtalie praatjies
Saterdag, 2 Maart, 16:00, 110 min.
Martie Preller, Carina Diedericks-Hugo, Philip Coetzee, Piet Grobler en Philip de Vos maak praatjies oor jeugliteratuur: van voëlkyk en reeksboeke tot illustrasies en kostelike rympies. ’n Belangrike geleentheid vir liefhebbers van kinder- en jeugboeke!

Women in poetry
Saterdag, 2 Maart, 16:00; 80 min.
Writers Malika Lueen Ndlovu and Ingrid de Kok emphasize the role of the woman as writer.

My mense, my land: Hoe het Suid-Afrikaners se waardes oor die laaste tien jaar verander?
Vrydag, 1 Maart, 15:00; 3 uur.
Prof. Hennie Kotzé bekyk die waardes wat afgelei kan word uit vraelyste wat groot groepe mense beantwoord het. Hy hou hom besig met die boeiende vraag: Het die dramatiese sosiale en politieke veranderinge in Suid-Afrika mense op dieselfde manier geraak? Kom praat saam oor die verrassende, maar ook verontrustende patrone wat hy bemerk

Vrou in die Media
Saterdag, 2 Maart, 12:00; 50 min.
Top media-vroue vra hoe klink die stem van die vrou in die media — desperaat en dienend, of in beheer en deelnemend? Met Lizette Rabe, Irna van Zyl, Ingrid Jones en Hanlie Kriel.

Anglo-Boereoorlog: so what?
Saterdag, 2 Maart, 14:00, 90 min.
Wat het die herdenking van die Anglo-Boereoorlog opgelewer? Kenners soos Albert Grundlingh, Fransjohan Pretorius, Herman Gilliomee, Herman Binge en Elizabeth van Heyningen vuur die laaste kanonskoot, terwyl Maretha Maartens, Erika Murray-Theron, Engela van Rooyen en Anlen Marais uit hul ABO-tekste kom voorlees.

Afro & Euro
Saterdag, 2 Maart, 14:00, 50 min.
Piet Paardekooper en Fritz Ponelis gesels oor die hedendaagse taalpolitieke status van Afrikaans en die verband tussen Afrikaans en Nederlands. Het u geweet dat die eerste Afrikaans-Nederlandse woord dateer uit 107 n.C.? Kom luister na die visie van hierdie kenners oor taalsake.

Die kunstenaarskap van Sheila Cussons — ’n osmose: Digter en Skilder
27 Februarie — 31 Maart
Opening: Woensdag, 27 Maart, 18:30
Na haarself verwys Sheila Cussons, eerstens as beeldende kunstenaar en dán as digter. Vir haar staan beeld en woord altyd in wisselwerking met mekaar. Skilderye word gedigte, gedigte word skilderye — letterlik en figuurlik. Ter viering van haar 80ste verjaarsdag in 2002 word die werke van hierdie gevierde kunstenaar, waarvan die meeste in privaatbesit, uitgestal saam met waardevolle dokumente (met spesiale vergunning van die digter). ’n Eenmalige geleentheid! Gaskurator: Amanda Botha.

Afrikaanse Koorfees
Saterdag, 2 Maart, 10:00; 3 uur.
Unieke samestelling van bekende kore uit die Wes-Kaap, soos die Stadskoor Tygerberg, A Few Good men, Harmony Singers, Stellenbosse Universiteitskoor en Tygerberg Kinderkoor.

’n Handvol Gruis uit die Hantam
Saterdag, 2 Maart, 14:00; 40min.
Komponis Derek Fordyce begelei sy siklus liedere van gedigte deur Louis Leipoldt, met Leon Shelhase as sanger en Johann Nel as voorleser.

Ek word tintelend wakker
Saterdag, 2 Maart, 15:00; 50 min.
Sheila Cussons: verse en musiek. ’n Sprankelende verwerking van Sheila Cussons se getoonsette gedigte deur Helena Conradie en Annalise Wiid.

WoordRock
(ondersteun deur Shoprite Checkers as deel van die gratis Neelsie-fees)
Saterdag, 2 Maart, 17:00; 120 min.
Topgehalte produksie met die beste podiumpoësie (mikrofoonverse) vermeng met musiek en liriek. Met: Dichters van Epibreren, Laurinda Hofmeyr, Jacques Coetzee, Willem Mulder, Buckfever Underground, Francois le Roux en vele meer.

Opgejazz
Sondag, 3 Maart, 11:00
’n Luilekker ontbyt met jazz en poësie.

ek soek ’n hartswoord om te sê
Sondag, 3 Maart, 17:00, 120 min.
Pieter de Villiers se ’n lesingdemonstrasie oor sy Boerneef-liedsiklusse word voortreflik uitgevoer deur bekende sangers: Mimi Coertse, Hanneli Rupert, André Howard en Marianne Serfontein.

Met Woord en Lied
Sondag, 3 Maart, 20:15; 120 min.
Die mooiste Afrikaanse kunsliedere aangebied deur bekende sangers soos Mimi Coertse, André Howard, Jolene McCleland, Vanessa Tait en Minette du Toit en begeleiers Pieter de Villiers, Nina Schuman, Hendrik Hofmeyr, Hanneke Zwarmborn en Benjamin van Eeden. Voorlesings deur Johann Nel.

Benut die kans om te sien waaroor praat die mense!

Verskroeide aarde
10:00; 52 min.
Herman Binge se indrukwekkende video oor die Anglo-Boereoorlog het soveel reaksie uitgelok dat dit, in aansluiting by die debat: Anglo-Boereoorlog: So what? spesiaal vertoon word.

Scorched Earth
11:00
Anders as wat ’n mens sou verwag, verskil die Engelse weergawe van Verskoeide Aarde aansienlik. Kom kyk self hoe die perspektief verander!

Korreltjie niks is my dood
13:00; 52 min.
Saskia van Schaik en Henk van Woerden se TV-film oor Ingrid Jonker bied ’n besondere beeld op hierdie digteres se lewe. Vir die eerste keer te sien in Suid-Afrika!

Groep sonder grense: Deel 1 — ’n Nasie van Immigrante en Emigrante
15:30; 52 min
Die gemeenskaplike herkoms van die Afrikaanssprekendes word verbeeld in Marius Bakkes se reeks dokumentêre programme waarvan die eerste hier vertoon word. Die episode is opgedra aan wyle prof. Johan Combrink.

TEATER : FEES

Briewe aan ’n rooi dak
Vrydag, 1 Maart, 18:00; Saterdag, 2 Maart, 14:00, 20:00; 50 min.
Die 73-jarige Magdalena Otto voel geseënd onder die vroue. Maar sy sou eerder geseënd wou voel onder ’n man. Harry Kalmer se aweregse, soms snaakse, soms hartseer drama is ’n emosionele kragtoer en die wenner van die 2001 Anglo-Aardklop Smeltkroes Prys vir die beste nuwe Afrikaanse drama. Met Elize Cawood.

What about de lô
Vrydag, 1 Maart ,17:00; Saterdag, 2 Maart, 15:00; 30 min.
Adam Small se gedigte word gedramatiseer en getoonset om die gehoor op ’n verbeeldingstoer deur die ou Distrik Ses te neem. Aangebied deur Peter en Sandra Braaf, bygestaan deur Burton Brooks op kitaar.

Aucamp & Strydom — ’n Vuur gevang in glas
Vrydag, 1 Maart, 19:00; Saterdag, 2 Maart, 17:00; 40 min.
Amanda Strydom in kabaret. Liedjies uit Strydom en Hennie Aucamp se pen,verweef met sketse van Hennie Aucamp.

Die lewe is alleen draaglik as ’n mens ’n bietjie dronk is
Vrydag, 1 Maart, 20:00; Saterdag, 2 Maart, 16:00, 21:30; 50 min.
’n Ou Skrywer voer geestige gesprekke met Rosie, sy huishulp. Vol humor, selfspot en die vreugde van Uys Krige se beeldspraak. Met Neels Coetzee en Gail Reagon.

Gatlangs
Vrydag, 1 Maart, 21:00; Saterdag, 2 Maart, 11:00; 50 min.
’n Kontemporêre en hoogs dramatiese kyk na sosiale knelpunte van vandag. Aangebied deur die Breughel Toneelgeselskap.

Hex
Vrydag, 1 Maart, 21:30; Saterdag, 2 Maart, 18:00; 40 min.
Multi-media teatercollage saamgestel uit kortverhale — hoofsaaklik uit Feeks deur Riana Scheepers.

Kaapse draai
Saterdag, 2 Maart, 10:00; 30 min.
’n Versameling van prosa en poësie met daai heerlike Kaapse kleur en geur. Aangebied deur Hoërskool Durbanville.

iAfrika
Saterdag, 2 Maart, 11:00; 30 min.
’n Kombinasie van dramatekste, beweging, prosa en gedigte. Aangebied deur New Orleans Secondary School.

Rooi
Saterdag, 2 Maart, 12:00; 30 min.
Die bekroonde, hedendaagse aanpassing van die verhaal van Rooikappetjie — verwag die onverwagte! Aangebied deur die Hoër Meisieskool Bloemhof.

Al op die olifanttrop se spoor
Saterdag, 2 Maart, 13:00, 60 min.
Olifante, soos lelies, word in hul slaap geseën — en sang kan reën bring. ’n Program met die mooiste Afrikaanse gedigte wat met dialoog verbind word om ’n storie te vertel. Dit speel teen die Oukeukoujo-watergat in Etosha af. Met Aldo Behrens, Danie Strydom en Chrisna Beuke-Muir. Hierdie vertoning was ’n treffer by Aardklop!

Filosofie : Kafee
Vrydag, 1 Maart, 20:00.
en nou of te want is — dit is nie sommer net woorde nie, dit is wapens in ’n kragmeting tussen gedagtesmouse en woordkunstenaars. ’n Groep vooraanstaande filosowe (Paul Cilliers, Anton van Niekerk, Willie van der Merwe, Vasti Roodt, Johan Hattingh en Braam Olivier) en ’n groep bekende skrywers (Marlene van Niekerk, Jeanne Goosen, Louis Esterhuizen, Clinton du Plessis, Ronnie Belcher en Marlise Joubert) sê mekaar die stryd aan oor die betekenis opgesluit in elke woord.

Die gehoor besluit watter groep uiteindelik die beste daarin slaag om te wys hoe woorde ons aan die dink kan sit en hoe ons denkend ons woorde moet tel. Kom praat en dink saam en besluit self wie het die laaste woord!

Bekgeveg
Saterdag, 2 Maart, 16:00; 80 min
Digters betree die kryt om mekaar met poësie die stryd aan te sê.

Akkerrock
(ondersteun deur Die Burger)
Vrydag, 1 Maart, 19:00 — 24:00
’n Opwindende Afrikaanse rockfees! Groot name, soos Jakkie Louw, Spinnekop, Akkedis, Karen Zoid, Beeskraal en Valiant Swart kom sing die Akker aan die brand!

Shoprite Checkers Neelsie-fees
Saterdag, 2 Maart, 10:00 — 16:00
Voldag GRATIS musiekprogram deur topkunstenaars, moontlik gemaak deur die ondersteuning van Shoprite Checkers.

Bar op De Aar
Saterdag, 2 Maart, 10:00 tot laat
Ons skop die Woordfees af met ’n voetsêk (hackysack), op die Rooiplein. Kom kuier saam met Storieman (ping…blaai om…), herleef Raka en klink ’n glasie in die tent. Musiek deur Die Ketels, Skallabrak en ander groepe.
Rooiplein, buite Neelsie Studentesentrum
Toegang GRATIS!!

Prophet “wroeg”
Sondag, 3 Maart, 17:00; 120 min.
Prophet filosofeer oor die vele fasette van die lewe. Vir die dinge van die gees en die lig om te triomfeer, is stryd en wroeg soms nodig. Ernstig, tong-in-die-kies, huil en lag, eg Prophet!

Storietyd
Saterdag, 2 Maart, 10:00; 50 min.
Kinderboekskrywers Marianna Brandt en Eben de Jager kom self hul stories vir die kleinspan voorlees. Ouers en onderwysers welkom.

Poppekas
Saterdag, 2 Maart, 11:00 en 15:00;
50 min.
Kort poppekasproduksies wat die kinders vasgenael sal laat sit. Geen herhalings in tweede uur.

Kalbasstories
Saterdag, 2 Maart, 12:00; 50 min.
Kinderteater: Drie stories uit verskillende kulture word vermeng met maskers, toneelpoppe, komedie en beweging om ’n visuele skouspel te skep.

Liewe Heksie kom kuier
Saterdag, 2 Maart, 14:00; 50 min.
Kinderteater: Liewe Heksie neem deel aan ’n walskompetisie en moet die silwer roos red uit die Geelheks se kloue.

Alice en die wonderboek
Saterdag, 2 Maart, 16:00; 50 min.
Kinderteater: Alice moet haar wonderboek wat haar wegvoer na Wonderland beskerm teen die sluwe Koningin van Harte.

Hoërskool Leessimposium: Geletterdheid in die klaskamer
(in samewerking met die WKOD)
Saterdag, 2 Maart, 09:00; 3 uur.
Kenners Richard Stanley, Jana Forrester, Johan van Lill en Adinda Vermaak bespreek geletterdheidsprobleme by hoërskoolleerders.

Laerskool Leessimposium: Geletterdheid in die klaskamer
(in samewerking met die WKOD)
Saterdag, 2 Maart, 09:00; 3 uur.
Die ontwikkeling van geletterdheid, met die klem op skryf- en leesvaardighede is uiters belangrik vir suksesvolle leer. Dr Elaine Ridge, dr Sandile Gxlishe, Annatjie Hanekom, L. Beake en Esmé Passman sal faktore bekyk wat geletterdheid bevorder by die voorskoolse kind, sowel as strategieë en aktiwiteite wat ouers en onderwysers kan gebruik om ’n belangstelling in lees en skryf te koester en te ontwikkel.

Dans in Afrikaans
Saterdag, 2 Maart, 12:30, 50 min.
Hoe kan aktiewe kultuurskepping en -waardering ontwikkel word? Prof. Edith Katzenellenbogen kom wys hoe poësie binne ’n kultuurkonteks vertolk kan word deur beweging, gebare, klanke en musiek.

Geletterdheidsprogramme vir volwassenes:
Saterdag, 2 Maart, 14:00, 50 min
Wil jy iets doen om die duisende ongeletterdes ’n beter kwaliteit lewe te gee? Raak betrokke by geletterdheidsprogramme vir volwassenes. Met Marietjie Oswald, Petra Engelbrecht en volwasse leerders van die Matie Gemeenskapsdiens

Baie dankie aan ons donateurs:

Mediavennote:

Produksievennote:

boontoe / to the top