Silhoeët

Cornelia

Afgeëts teen lig flou
kan sy die silhoeët sien,
staan hy in die deur, miskien
tot later of net vir nou

Toe hy nader kom tastend in haar hare
Het sy huiwerend toegegee, styf
aan sy lippe soekend, bloed vol passie in sy are
Klere weggeslinger, lyf teen lyf

Ongemerk het die tyd vergaan
Tussen tere woorde gefluister,
die aarde ’n paar uur gaan staan
Liggame kunstig teen mekaar gepleister

Of dit goed of sleg was,
in verkeerd of reg pas,
knoop sy dit vas in haar hart,
bly die gedagte aan sy silhoeët haar tart

Maar sy het geweet hy sal stil-stil weer gaan
Sweef soos ’n arend na sy hoogte
Sy ook terug na haar elkedag-bestaan
Maar hy, sal weer soos reën onverwags
kom val in haar hart se droogte

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.