Om anders te soek

Carel Coetzee

ek't steeds gedink jy is daar
met jou vat-my-huis-toe-glimlag
jou kaalvoet-loop-oë
jou sterk omhelsende lyf
alles net so laat
stil rondom en binne my
dat jy daar iewers is
buite in hierdie komperwêreld
binne ons e-pos-vriendskappe
ons wêreld met sy vierkantige skerm-oë
waar jy elke dag aan- en af-skakel
as jy huis toe baksteenplek toe
omring met bome wat lang-stam na bo verlang
dat jy iewers daar is
nie van etikette en "labels" hou
so gejaagd agter die "regte" een nie
met die regte motor en die regte spiere
soos die res
so plestiek soos die sakkies
waarin hul die poeier van hul persoonlikheid
en hul siel koop
ek't steeds gedink jy is daar
sodat jy my spieël kan wees.


LitNet: 28 April 2005

NOTA: Ek ontvang graag reaksie op hierdie teks. Stuur dit na dbbotha@mweb.co.za.
DANIE BOTHA

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.