|
|
|
|
|
|
|
Hallo daar!Fanus RautenbachAs jy 'n sin vir humor het, kan jy alles oorleef - maar ai, Saterdag wou ek nog glimlag toe huil ek al. Gelukkig sorg die oud-Bokke darem met liefde vir ons - al is hulle die Joost in. Ons plaas vandag vir oulaas nog 'n paar voorstelle vir name vir ons rubriek. Teen die einde van hierdie week kondig ons 'n wenner* aan. Dan begin ons met 'n splinternuwe limeriekwedstryd. Hierdie rubriek is vir almal wat lus het om saam te speel. Fanus soek rubriekers om saam te klets, te vertel, nuwe woorde te skep, humor te deel - te rubriek in die rubriek sonder brieke by erns@litnet.co.za.
Tossel sê: Amor … Amor … Amor (Op die wysie van die immer gewilde "Amor … Amor … Amor … This word so sweet/ That I repeat/ That I adore you …") Amor sê rondborstig dis nie sy daardie nie en Joost is boos - sommer "die bliksem in". Daar kan mos nie sommer so los met sy meisie se lyf gewerk word nie en Amor wil die Satan op hulle loslaat oor wat hulle met foto's in donkerkamers aanvang. Dit laat my dink aan die stokou waarheid: "Geen meisie is so negatief dat jy haar nie in 'n donkerkamer kan ontwikkel nie." Die Bokke se toer na die Britse Eilande word toe Saterdag 'n sprokie: Doringrosie Die Engelse was nog altyd 'n pyn in die gat!
"LIEFSTE TANNIE ONS BRING ROSIES" Ek het Saterdag by tye maar taamlik verward geraak terwyl ek na die wedstyd gekyk het - die skeidsregter het so baie keer geskree "Six" dat ek dog dis krieket. Klein Schalkie het toe nie sy hare geskeer, soos party kenners aanbeveel het, om hom minder opsigtelik te maak nie. Jake het hulle kaalkop die waarheid vertel - netnou dink pankopskeidsregter O'Brien dat Schalk die gat met hom skeer! Daar is natuurlik ook al weer kwotakwale met die Bokspan, maar Jake meen Schalk sorg vir genoeg kleur: geel en rooi. Saterdag se rugby herinner my aan die storie wat apteker Piet Roos van Pretoria vertel: 'n Pan Am 727-vlug wat wag vir enjinaansit-klaring het die volgende gesprek aangehoor: Ons lees van twiste wat aan die broei is oor biografieë en rolprente oor die lewe van Hansie Cronjé. Die familie reken 'n verkeerde beeld van Hansie is die wêreld ingestuur. Nou wil hulle dit verander. So klink die kenwysie: Hansie Slim Wat gaan die naam van die fliek wees? AMA LOTTO-LOTTO? Twee ou grotes verjaar hierdie week: Frik du Preez en Zack du Plessis. Hulle vier altyd die geleentheid saam. Een jaar gaan hou hulle makietie op Bray, waar Frik 'n plaas het, en die ander jaar weer in Pretoria - waar Zack nie 'n plaas het nie. Frik se mooiste storie is toe hy in een wedstryd "geplace, gedrop en gescore" het. As jy dit kan vertaal, lek ek jou … dinges. Nou hoor ek hierdie ander mooi sêding van Frik. Frik sê as hulle destyds so baie betaal is, sou hulle selfs rugby geoefen het. In sy dae was seks veilig en rugby gevaarlik. En as hulle net geweet het dat dit so veilig was, sou hulle seks beoefen het. Toe het hulle rugby beoefen en seks geoefen! Hulle is op hul eerste toer deur Brittanje tien sjielings per dag betaal. En na 38 toetse was sy gemiddelde vergoeding R3,50 per dag - 15c per uur … dus 30c per wedstryd. Daardie place, drop en score HET DUS 10c ELK GEKOS ! Frik se Naasbeste storie kom uit die dae toe die Joodjie, Syd Nomis, nog vir die Springbokke gespeel het (Okey Geffin het al gesê daar moet altyd 'n Jood, vir goeie geluk, in die Springbokspan wees). Frik sê dat die Springbokke daardie dae al kougom gekou het, maar as die wettie begin, dan moet hulle die kougom op 'n veilige plek aan hulle lyf bêre. Syd Nomis, as Jood, had nie só 'n plek aan sy lyf nie. Baie vriendelik bied Frik du Preez toe aan: "Syd, ek sal jou kougom by myne bêre!" Nodeloos om te sê, Syd wou nie byt nie. Ons het al 'n paar voorstelle vir 'n Afrikaanse weergawe van urban legend gekry: 1. Lieglegende van Theunis Bekker (wat ons dalk kan verkort na Liegende?). Oor die oorsprong van die woord wolhaarstories skryf Henk Bierman baie interessant: "Wolhaarstories" wou ek ook aanbied. Maar Wim Hartman was die vader van "wolhaarstories" in Afrikaans. Hy was eintlik 'n meester. Maar ek dink hy het seker maar die onkunde van ons oningeligte mensies uitgebuit. Ek hoop ek is verkeerd. Sy "wolhaarstories" het jare gelede in die Brandwag verskyn, in byvoorbeeld "Die koets na Bordeaux". Maar wolhaarstories grens aan Armeense grappe. Dit is stories wat met groot erns vertel word en mense vasgenael op die punt van hulle stoele hou en dan op absoluut niks uitloop nie. Dalk moet ons kort-voor-lank 'n bietjie van hierdie stories met mekaar in die rubriek deel? Dan wag ons nog vir voorstelle vir 'n Afrikaanse weergawe van: If you can't beat them, join them! Nog voorstelle vir ons rubriek se naam: Groetnis! Fanus
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf. |
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
